影片
更多
2005-02-11
2 瀏覽
睇完煙花諗住去食日本野, 咁就上左黎。可能因為煙花既關係, 八點幾上到黎得一檯有人, 之後我地就好快咁落左單, 之後其他食客就陸陸續續咁上黎, 我地叫左五樣野:1) 芝士南瓜球2) 辣麵豉燒茄子3) 滑蛋雞肉飯4) 炸大蝦5) 摩登燒頭三樣野等左15分鐘就到, 都算ok, 但之後果兩樣等左好耐都唔到, 見到其他檯d 食客都好唔耐煩咁周圍望, 但d 侍應唔知去晒邊......有個細佬仔仲大聲咁嗌:「個拉麵咁耐都未黎架?」等左3-4個字個炸大蝦終於黎到, 個賣相都唔錯, 但一食落去.....凍既?! 佢好似炸左好耐攤到凍晒咁, 連外皮都攤到腍晒, 完全冇炸野既香脆感......由於佢既效率咁慢, 我地都費事叫佢換, 再換既話真係唔知等到幾時....等多兩個字最後既摩登燒都黎埋, 味道都ok。最激氣既係連埋單都要等! 首先同一個侍應講左, 之後等左兩個字都冇人黎, 咁就再催第二個侍應, 佢又話: 「得得得....」再等多兩個字仲係冇人, 我已經有d 唔耐煩咁企左起身, 個侍應只係話: 「得得得...好快..好快..」最抵死既係再有個侍應黎斟水, 佢問我地: 「叫左埋單喇呵?」你話係咪俾佢吹脹
1) 芝士南瓜球
2) 辣麵豉燒茄子
3) 滑蛋雞肉飯
4) 炸大蝦
5) 摩登燒
頭三樣野等左15分鐘就到, 都算ok, 但之後果兩樣等左好耐都唔到, 見到其他檯d 食客都好唔耐煩咁周圍望, 但d 侍應唔知去晒邊......有個細佬仔仲大聲咁嗌:「個拉麵咁耐都未黎架?」
等左3-4個字個炸大蝦終於黎到, 個賣相都唔錯, 但一食落去.....凍既?! 佢好似炸左好耐攤到凍晒咁, 連外皮都攤到腍晒, 完全冇炸野既香脆感......由於佢既效率咁慢, 我地都費事叫佢換, 再換既話真係唔知等到幾時....等多兩個字最後既摩登燒都黎埋, 味道都ok。
最激氣既係連埋單都要等! 首先同一個侍應講左, 之後等左兩個字都冇人黎, 咁就再催第二個侍應, 佢又話: 「得得得....」再等多兩個字仲係冇人, 我已經有d 唔耐煩咁企左起身, 個侍應只係話: 「得得得...好快..好快..」最抵死既係再有個侍應黎斟水, 佢問我地: 「叫左埋單喇呵?」你話係咪俾佢吹脹?!
最後等左差唔多半個鐘先埋到張單, 食野只係用左20分鐘, 但等就等左個幾鐘!! 我以後都唔會再去! 奉勸各位如果冇超凡既耐性都唔好去呢度......
張貼