小蟻人 甜品西餐 (已結業)

約左好耐無見既朋友,下午茶時間想選擇個地方可以坐好耐既地方,就尖沙咀食就揀左呢間~~入到去真係大開眼界,估唔到小小既餐廳既環境都可以咁高貴,餐廳內以白色為主題, 放著高貴大方既皇宮貴族氣式餐桌同台,而且牆壁既佈景係尖沙咀海旁既夜景照,好有浪漫既氣氛!!我地見到餐牌有好多選擇,有午餐,下午茶仲有甜品,由於大家都食唔到太多野,所以focus係下午茶餐牌~~下午茶餐牌有分兩種,一種係小食同埋甜品既下午茶,另一種係英式下午茶,我地頓時比英式下午茶既餐牌吸引左,於是就叫左一個high tea set~~tea set送飲品,於是叫左雜果同青蘋果烏龍茶~我地由最低層食起, 首先食左咸既tunafish三文魚卷, 個卷好夠tunafish沙律, 都唔差~~之後食水果小盤, 裡面有西瓜,火龍果, 士多啤梨, etc... 水果都算新鮮~Rasperry 小盤都唔錯, 酸得黎好清新又開胃Puff就正常啦,如果d cream再凍d會香d~Baked cake唔係新鮮整 所以有d硬...Rasperry cake好味,唔太甜,清清地酸酸地唔"濟"~第二層有個咖喱穌都幾香,熱熱地,好脆好味!杏仁條都值得一讚,