喜來稀肉

營業中

休息中

秋風起，就想燒烤，今晚一於去韓燒頂住燒烤癮先。呢度既生菜、泡菜、前菜同邊爐蛋都係免費refill的，邊爐蛋仲有芝士味同泡菜味兩款。真雪花牛肉(150g) 雪花分佈均勻，肥瘦均稱，牛肉味香濃，燒完亦能鎮住肉汁，肉質非常軟熟。用生菜包住食仲別有一番風味。護心肉 (200g) 護心肉是位於豬橫隔膜與肝之間的肌肉肉筋，是非常稀少的部位，黎到當然要試下，賣相雖然似一般豬肉，不過食落好香，肉質較有彈性。甜米露 之前係韓國汗蒸幂時飲過，好清甜，解渴，不過呢度係罐裝，但係味道都好相似。