原居民 (已結業)

去佐敦見客，客人推介佢屋企附近既呢間原居民，咁見價格都唔算好貴，又見到評語都幾好，咁揀呢一間，所以就訂位食呢一間。平時好怕揸車去油尖旺，因為泊車好麻煩，而且夜晚又約左人飮番兩杯，所以今日決定唔揸車，撘地鐵，餐廳距離佐敦地鐵站大約8分鐘腳程，其實真係幾方便就腳，個客仲方便，屋企落黎5分鐘到，餐廳位置方便大家。餐廳環境一流，而且比較淸靜，加上輕柔的背景音樂，非常適合見客，而且服務好細心好有禮貌，予人感覺好舒服。我點了一個set dinner：前菜意大利風乾火腿伴蜜瓜呢個意大利風乾火腿味道比較濃，所以配蜜瓜一切食味道會好一點，蜜瓜既鮮甜多汁，同埋新鮮清新，正正配合意大利風乾火腿的乾身及濃郁的味道，這一個複雜的味道配撘簡直是天依無縫！香煎法國海鱸魚日本帶子皇虎蝦伴龍蝦汁鱸魚由法國運港，而帶子皇選用日本，食材來源地都比較可靠，所以食物質素非常高。由於食材質量好，以香煎這個比較簡單既烹調方式就最好不過，不用其他調味料，只用少許鹽去提升海鮮的鮮味，是明智之舉。法國海鱸魚鮮甜，肉質新鮮，鱸魚的表面煎到金黃色，既香囗又帶少少脆的囗感，非常出色。帶子皇肥厚大隻，口感彈牙而且鮮味十足，不加任何醬汁食都一流！