本佐日本燒肉料理 (已結業)

唔知M佬呢排做乜成日都好肚餓，食完一餐，唔夠兩個鐘又口痕想再食嘢！係咁肚餓嘅情況之下，就最啱食放題啦！呢間位於尖沙咀嘅本佐日本燒肉料理，除咗燒肉，仲有刺身、炸物、小食等，選擇好多，正！餐廳夠大夠闊落，坐得好舒服，特別鍾意佢用iPad點餐，全程無漏單情況。 日式小食一開始就梗係食日本小食，開開胃先啦，螺肉大大粒，好彈牙。刺身刺身選擇都幾多，有三文魚、八爪魚、松業蟹棒、甜蝦、玉子燒、北寄本、帶子同彷鮑魚刺身。最愛三文魚肥美，甜蝦新鮮彈牙。燒烤話明係食日本燒烤，燒烤嘅選擇自然唔少，有多款肉類、海鮮同野菜。最正係一開始先上咗個烤肉拼盤畀你燒住先，唔會浪費一分一秒。海蝦非常新鮮，爽口彈牙。極上牛小排，薄薄一片，脂肪分佈平均，牛味香濃。伊比利亞橡果一口豬，肉味好出又多汁。熊本一口和牛，牛味香濃，一啲都唔韌，必叫。另外牛油金菇同粟米都係值得推介，牛油味香濃！炸物呢度仲有多款炸物選擇，包括一口甜薯、香芋丸、吉列炸蝦等，真係好滿足！