Premium牛肉拼盤
個拼盤集合咗店內最hit嘅四款牛肉：極級霜降牛肉、牛隔肌、菲力牛扒同調味牛肋排肉。最貼心係餐牌會詳細講解每款肉嘅口感同牛味濃度，等你可以按自己喜好決定燒烤次序。如果驚自己手勢唔好（或者純粹想懶），仲可以叫店員幫手燒，服務真係冇得彈！
章魚大蝦豬五花腩鍋
呢個係釜山名物嚟㗎！一上枱個賣相已經嚇親人——顏色配搭靚到好似幅畫咁！店員倒入濃湯，等所有材料煮熟之後，就開始剪開隻巨型章魚。章魚肉質Q彈得嚟完全唔韌，大蝦又爽又鮮甜，真係啖啖肉！等五花腩慢慢煮熟後，啲豬油滲落湯度，成個湯頭即刻鮮味爆棚，簡直係滿分之作！
今餐完全體現咗「假期就係要放肆」嘅精神，下次長假一定要再encore～
