黑木亭居酒屋 (金馬倫道)

尖沙咀金馬倫道沿路都有好多餐廳同茶記，但每次經過都會忍唔住食返黑木亭居酒屋🥰我每次都會拉埋我Friend食佢地個商務二人前😣有齊三點刺身盛🍣、🐟火炙左口魚卷物、兩款定食🍱同一人一球雪糕🍨，仲已經包埋任食沙律吧🥗三點刺身盛🍣厚切三文魚有入口即溶既感覺、油甘魚油脂豐富、八爪魚刺身爽滑彈牙。雖然係前菜，但佢地一啲都唔馬虎😮火炙左口魚卷物🐟單係賣相已經夠吸引，爽彈既左口魚上面，鋪滿兩種鮮甜既魚籽。我覺得比上次食到既鰻魚卷仲好食，火炙過既左口魚真係巧正🥰🍤吉列炸蝦炒蛋多士配牛肉湯烏冬🍜首先，佢係有三隻蝦，哈哈哈😘呢個set似高級西日式常餐，吉列蝦炸皮好薄、食落卜卜脆，應該人人都會鍾意❤️牛肉湯味道清得嚟好夠味，牛肉肉味好濃，有啲咬口，配爽滑既烏冬好好食😋黑松露忌廉石鍋烏冬配吉列豬扒定食🥘充滿奶香既忌廉湯配上滿滿既黑松露，實在太邪惡啦🥹佢雖然好濃郁，但一啲都唔覺得鹹同膩，真係忍唔住啜左半碗湯😚(好似太誇張!哈)，將所有烏冬掛滿忌廉🥰吉列豬扒同炸蝦一樣咁出色，炸得好通透，咬落肉質又唔會好乾😋最後兩球雪糕完結一個完美既下午🌷