影片
更多
2024-01-26
59 瀏覽
天氣開始轉凍，又係十分適合打邊爐。朋友就建議去呢間餐廳飲湯食雞🤤餐廳好多人，我哋等咗一陣先入到枱。店員話佢哋嘅花膠雞湯好出名，我哋就點咗鍋細煲試吓味🤭再慢慢揀食咩 除咗出名花膠雞湯外仲有幾款唔同嘅湯底，正常火鍋配料乜都有，仲有生猛海鮮。窮喵無錢就叫咗最普通嘅配料 再每人加多$15醬料費濃厚原隻雞煲花膠湯 （半隻）$308見到個湯勁黃，就知煲得好入味😚半隻雞再加4-5片花膠已經流晒口水。上煲無耐有專人幫我哋剪開晒啲雞同花膠，立即動手飲啖湯先。如我想像，個湯係勁濃郁雞味，雞件同花膠淋又入晒味，食到舔舔脷。如果飲晒湯再打邊爐，店家係會加豬骨湯比你打邊爐，如果想花膠雞湯係要加$168的。豬骨湯相對雞湯係清好多，不過烚嘢食就無所謂😗手切頂級安格斯牛肉$298一碟份量好似好少，但食落係食唔晒😩牛肉色澤都靚。每塊肉都有少少脂肪，食落就會香滑啲，肉味算重，唔錯👍🏻胡椒豬肚貢丸 （6粒）$55出面十分少見的，咪睇佢平平無奇，咪都係粒普通豬肉丸，你咁諗就錯晒😤佢係粒超濃郁嘅胡椒丸！！胡椒味夠晒，醬油都慳返唔洗沾，一咬都有肉汁。最特別係佢入面有粒小豬肚，完全無改名🤣 全晚最驚喜嘅一款配料牛骨髓$65外表唔討
朋友就建議去呢間餐廳飲湯食雞🤤
餐廳好多人，我哋等咗一陣先入到枱。店員話佢哋嘅花膠雞湯好出名，我哋就點咗鍋細煲試吓味🤭再慢慢揀食咩
除咗出名花膠雞湯外仲有幾款唔同嘅湯底，正常火鍋配料乜都有，仲有生猛海鮮。窮喵無錢就叫咗最普通嘅配料 再每人加多$15醬料費
濃厚原隻雞煲花膠湯 （半隻）$308
見到個湯勁黃，就知煲得好入味😚半隻雞再加4-5片花膠已經流晒口水。上煲無耐有專人幫我哋剪開晒啲雞同花膠，立即動手飲啖湯先。如我想像，個湯係勁濃郁雞味，雞件同花膠淋又入晒味，食到舔舔脷。
如果飲晒湯再打邊爐，店家係會加豬骨湯比你打邊爐，如果想花膠雞湯係要加$168的。
豬骨湯相對雞湯係清好多，不過烚嘢食就無所謂😗
手切頂級安格斯牛肉$298
一碟份量好似好少，但食落係食唔晒😩牛肉色澤都靚。每塊肉都有少少脂肪，食落就會香滑啲，肉味算重，唔錯👍🏻
胡椒豬肚貢丸 （6粒）$55
出面十分少見的，咪睇佢平平無奇，咪都係粒普通豬肉丸，你咁諗就錯晒😤佢係粒超濃郁嘅胡椒丸！！胡椒味夠晒，醬油都慳返唔洗沾，一咬都有肉汁。最特別係佢入面有粒小豬肚，完全無改名🤣 全晚最驚喜嘅一款配料
牛骨髓$65
外表唔討好人，但煮熟咗又幾好食。
份量多，煮熟係條狀嘅啫喱，好軟熟好Q彈。牛骨髓係樣多工序嘅食材，眼見餐廳清理得幾乾淨，食落又無乜異味，加分！！
炸響鈴$48
一份有9條，好抵食！又係吸湯之選，嗦晒嘅雞湯 正呀！如果係即叫即炸會再喜歡啲🥺
鮮嫩荀尖片$43
荀片份量都多，正常，無渣
西洋菜$43
食咗咁多肉，點都要叫份菜減少罪惡感。菜都係正常
巨峰提子梳打$30
提子味梳打再加啲椰果粒，幾好飲
紅棗桂圓茶$30
好足料嘅一杯，料齊晒，飲落有陣陣黑糖味，如果無咁甜就完美🫣
張貼
