影片
更多
2022-12-21
87 瀏覽
🍴 Special Set Dinner For Two $788 另收加一 (9/10)🍴餐包 (8/10)三包有三種，牛角包好香脆，有牛油嘅香味，另一種意式麵包，有香草味道口感，都好鬆軟，第三種係黑色嘅類似餅乾，識朋友食落有少少芝麻味有少少似梳打餅！仲配咗牛油同埋士多啤梨果醬任君選擇！有餐包開始食，已經覺得好有心思！🍴 香煎美式蟹餅伴蜜桃莎莎 (10/10)平時嗰啲蟹肉餅係用蟹肉茄薯仔再加忌廉嘅味道！呢個真係真材實料想用全蟹肉去做蟹餅，好薄嘅炸粉，入邊係一絲絲嘅蟹肉，好有蟹嘅鹹香味，完全食得出蟹嘅鹹鮮味道！🍴 是日餐湯 薑汁南瓜湯 (7/10)非常濃郁嘅薑味，辣辣哋，薑味好出，南瓜味比較淡，帶着一絲絲嘅甜味，質感都幾濃稠，都幾特別！🍴西班牙凍湯 (7/10)入邊用咗甘筍蕃茄西芹，質感都幾濃稠，凍凍地酸酸地，都幾開胃！🍴 老虎蝦、海膽、龍蝦忌廉汁意大利麵 (8/10)意粉硬度適中，有好大隻虎蝦，同埋一塊海膽，用咗好多三色椒洋蔥菇嘅配料，口感好豐富，意粉嘅味道有好香濃嘅海膽味。🍴 12安士美國頂級肉眼扒 (10/10)肉眼扒煎到三成熟，肉質軟腍，有好香濃嘅牛味，又有油脂嘅香，勁好食！完
🍴餐包 (8/10)
三包有三種，牛角包好香脆，有牛油嘅香味，另一種意式麵包，有香草味道口感，都好鬆軟，第三種係黑色嘅類似餅乾，識朋友食落有少少芝麻味有少少似梳打餅！仲配咗牛油同埋士多啤梨果醬任君選擇！有餐包開始食，已經覺得好有心思！
🍴 香煎美式蟹餅伴蜜桃莎莎 (10/10)
平時嗰啲蟹肉餅係用蟹肉茄薯仔再加忌廉嘅味道！呢個真係真材實料想用全蟹肉去做蟹餅，好薄嘅炸粉，入邊係一絲絲嘅蟹肉，好有蟹嘅鹹香味，完全食得出蟹嘅鹹鮮味道！
🍴 是日餐湯 薑汁南瓜湯 (7/10)
非常濃郁嘅薑味，辣辣哋，薑味好出，南瓜味比較淡，帶着一絲絲嘅甜味，質感都幾濃稠，都幾特別！
🍴西班牙凍湯 (7/10)
入邊用咗甘筍蕃茄西芹，質感都幾濃稠，凍凍地酸酸地，都幾開胃！
🍴 老虎蝦、海膽、龍蝦忌廉汁意大利麵 (8/10)
意粉硬度適中，有好大隻虎蝦，同埋一塊海膽，用咗好多三色椒洋蔥菇嘅配料，口感好豐富，意粉嘅味道有好香濃嘅海膽味。
🍴 12安士美國頂級肉眼扒 (10/10)
肉眼扒煎到三成熟，肉質軟腍，有好香濃嘅牛味，又有油脂嘅香，勁好食！完全食得出係出面$200一塊嘅靚扒！配菜忌廉薯蓉好香，豆同蕃茄有調味！高質到不得了！
🍴 雜莓窩夫伴士多啤梨雪糕 (6/10)
反而甜品有啲失望🙍🏻♀️賣相好靚，仲有畫碟添！但窩夫口感好硬，好實，放落碟係有聲嗰種，味道偏甜，雪糕都重幾香士多啤梨味，唔假唔甜，個分比賣相同雪糕🥹
🍴 抹茶紅豆冰 少甜少冰+$20 (8/10)
香濃抹茶味，甜度適中，欣賞佢上面有層奶泡，打得好棉密，幾香，紅豆唔會太甜，幾好飲
推薦指數: 9/10
整體來講主菜好高質好食，甜品有啲失望同一般，平日夜晚都full booking就知多人又好食啦😆真心都推薦又高CP值！記得OpenRice book枱有88折！
張貼
