影片
更多
2022-12-13
19 瀏覽
尖沙咀不嬲都有好多好嘅燒肉店，今日發現咗一間隱世勁高質燒肉店！叫做牛匠石燒。呢間燒肉店其實喺金馬倫道，呢頭都好多好餐廳，不過佢嘅店面唔算非常顯眼，平時經過都唔知原來呢間燒肉店咁正。今日都係朋友帶我嚟我先知。入到去，入邊環境唔錯，職員安排我哋坐卡位，兩個人坐非常闊落。好有趣地我見到佢有個自動送餐機械人，出差嘅時候仲會講嘢，好搞笑。呢度嘅嘢食多到又係會選擇困難，係職員推介之下，我哋叫咗牛小排，雞頸肉，燒魷魚，烏冬定食，明太子玉子燒，溫泉蛋櫻花蝦飯，再加咗兩杯特飲，一杯係草莓乳酸，令一杯係水果茶。嚟到嘅食物每一樣賣相同味道都非常吸引！首先係明太子玉子燒，你見到佢每一個玉子燒上面都有好大份明太子！燒得好香，玉子燒味道都好好，但未夠，甜度適中，出色！兩杯特飲都非常正，好足料，飲到好多水果！特別係水果茶！睇吓佢幾大支！我覺得兩個人飲都得！佢入邊嘅水果好大件，每一樣都非常鮮甜，特別係佢個菠蘿，入邊仲有蜜瓜片，我全部拎晒上嚟食，非常正。烏冬都好出色，湯底好濃，烏冬麵條彈牙，都算係我食過最好味嘅烏冬面質。感覺佢用料好精挑細選。溫泉蛋撈飯都好正，佢飯上面啲飯素好惹味，櫻花蝦都有好多，好味。燒魷魚超大條！你
呢間燒肉店其實喺金馬倫道，呢頭都好多好餐廳，不過佢嘅店面唔算非常顯眼，平時經過都唔知原來呢間燒肉店咁正。今日都係朋友帶我嚟我先知。
入到去，入邊環境唔錯，職員安排我哋坐卡位，兩個人坐非常闊落。好有趣地我見到佢有個自動送餐機械人，出差嘅時候仲會講嘢，好搞笑。
呢度嘅嘢食多到又係會選擇困難，係職員推介之下，我哋叫咗牛小排，雞頸肉，燒魷魚，烏冬定食，明太子玉子燒，溫泉蛋櫻花蝦飯，再加咗兩杯特飲，一杯係草莓乳酸，令一杯係水果茶。
嚟到嘅食物每一樣賣相同味道都非常吸引！首先係明太子玉子燒，你見到佢每一個玉子燒上面都有好大份明太子！燒得好香，玉子燒味道都好好，但未夠，甜度適中，出色！
兩杯特飲都非常正，好足料，飲到好多水果！特別係水果茶！睇吓佢幾大支！
我覺得兩個人飲都得！佢入邊嘅水果好大件，每一樣都非常鮮甜，特別係佢個菠蘿，入邊仲有蜜瓜片，我全部拎晒上嚟食，非常正。
烏冬都好出色，湯底好濃，烏冬麵條彈牙，都算係我食過最好味嘅烏冬面質。感覺佢用料好精挑細選。
溫泉蛋撈飯都好正，佢飯上面啲飯素好惹味，櫻花蝦都有好多，好味。
燒魷魚超大條！你睇吓佢色澤超級靚，食落去口感彈牙，好高質，所有嘢都超出色。
最期待嘅燒肉！呢度嘅燒肉仲要店員會主動提出幫你燒，服務太好了吧！牛小排份量好多，仲可以包菜食。佢附上嘅肉汁好惹味，牛小排肉質超高質，幾乎入口即溶，食落完全冇牛筋，估唔到咁出色。
雞頸肉好肥美，其實我第一次食雞頸肉，原來雞頸肉係咁多脂肪，食落彈牙。非常滿足。
食晒所有嘢之後，原來仲有水果！有幾片日本蜜瓜，好高質。
超級推薦呢間餐廳，佢值得更多客人捧場！
張貼
