翠林辣蟹舫

各位姊妹，相信大家都覺得蟹好好食，鮮味十足，避風塘炒辣蟹就更加惹味！不過剝蟹殻就真係好麻煩，你都知㗎啦，會整壞我哋啲Gel甲。好彩我家M佬好鍾意食蟹，又會肯剝埋餵我食。係呀，我係港女一名！但呢啲係愛呀，哈利！今日我哋就去到尖沙咀食翠林辣蟹舫，見證我哋嘅愛。

酸梅涼瓜
話梅酸味蓋過涼瓜嘅苦味，入口一啲都唔苦，係一個開胃嘅冰凍前菜。

酸梅涼瓜

酸菜龍躉
湯底呈綠黃色，入口有淡淡嘅魚鮮味同惹味嘅酸菜味，非常開胃。龍躉肉又大又厚，嫩滑彈牙，連埋酸菜同湯底一齊食，真係好夾！

酸菜龍躉

避風塘炒辣蟹
今晚嘅主角到啦，以紅木架上枱，賣相非常吸引！蟹肉結實鮮甜，食得出肉蟹好新鮮。避風塘炸蒜粒炒得好乾身，一啲都唔油膩，提升蟹肉鮮味，微辣惹味，好味到要lam埋手指，正！

避風塘炒辣蟹

避風塘炒辣蟹

飛天唐生菜煲
唐生菜同燒到熱辣辣嘅煲分開上，店員將唐生菜加入熱煲再炒，馬上傳出陣陣蝦醬味，非常有鑊氣。唐生菜新鮮爽口，好惹味。

飛天唐生菜煲