Jagger

營業中

休息中

唸住同朋友飲番杯，去尖沙咀就好多選擇。但係通常我會揀啲安靜啲，咁就可以傾下計。尖沙咀嘅「Jagger」就有戶外同埋室內兩個區域。而室內仲有一個半開放嘅座位，可以望住出面嘅行人人來人往。煙三文魚凱撒沙律 $108新鮮嘅沙律菜，口感爽脆。淋上芝士粒和放入先三文魚片，煙燻味可以幫沙律帶返啲層次出嚟。炭燒牛柳配紅酒汁 $248我就話牛柳一定係炭燒最好食，炭燒先可以令到牛柳表面有焦香，內層仲保留到粉嫩。加上微酸嘅紅酒汁可以中和油膩感。炭燒加拿大豬鞍扒 $228平時豬鞍都驚好韌，但係依款肉質夠晒軟腍，食落咗好多肉汁。另外兩款飲品都好靚，分別就叫咗free world和sick leave，打卡都一流啊。