Owl's Choux

又嚟到尖沙咀超人氣嘅泡芙，星期六3:30開舖4:00都未到就已經排晒長龍，大概等半個鐘左右！今次都多咗啲新口味嘅，不過依然係叫返最鍾意食嘅吉百利甜酒！

個泡芙好輕盈，係外脆有麵粉嘅香氣，入邊充滿晒忌廉，勁重奶香味好輕盈一啲都唔肥膩，上面呢就係有一個愛爾蘭酒嘅忌廉，酒味超香都幾香濃，但一啲都唔會苦，但真心係好好食

朋友叫咗個伯爵茶朱古力，伯爵茶味好香，朱古力味就比較輕盈當做少少嘅點綴！

推薦指數: 9/10
真心抵佢連續咁多年我米芝蓮， 2025年都攞咗米芝蓮啦，好好食，值得排隊！真係好多遊客，外國人，香港人都爭住排！

18