泰濃麵 (樂道)

營業中

休息中

今次同friend試咗尖沙咀「泰濃麵」真心有驚喜！鋪頭唔算大但坐得舒服，最緊要係啲嘢食高質又抵食～ 人均百零蚊食到高質泰麵，性價比爆燈！份量足料，味道正宗得嚟有少少驚喜🌟🦪廣島蠔船湯泰式河粉 廣島蠔脹卜卜，咬落去爆鮮甜汁！完全冇腥味，仲要大大隻好足料😍 個船麵湯底鹹香惹味，仲有魚蛋，秋葵等等好多配料，非常推薦🐔雞脾肉冬陰功湯麵金邊粉冬陰功控必試！湯底酸辣平衡得啱啱好，椰香夠又唔會膩喉，飲完成個身暖粒粒～雞脾肉好嫩滑，金邊粉幼身吸味，配料仲有蝦青口等多款海鮮好豐富😋😋 🐓炸雞翼即叫即炸，外皮香脆鬆化，入面肉汁滿滿🥰配泰式辣醬一流，食完一隻接一隻停唔到手🤤 🥬烚唐生菜配秘制腐乳醬菜夠新鮮爽脆，最正係個自家腐乳醬—鹹香味十足，配菜食勁開胃