圓山台灣料理 (已結業)

行完尖沙咁美麗華，近近地角落有間圓山台灣料理，格局好似唔錯咁就入去食晚餐啦。環境好闊落，幾好坐，我地一行六人叫左好多野食，首先係豆腐肉鬆皮蛋同例牌鹽水鴨做小食，前者肉鬆鬆脆，三樣加埋一齊幾夾，後者鹽水鴨好入味，唔錯。我地叫左個六人自選風味餐，幾抵呀，因為會平過正價餐牌架。我地揀左柯仔煎，好多柯仔而且又大隻，五味鮮魚有驚喜，炸完條魚鮮味猶在，干焗四季豆好有鑊氣，胡椒焗中蝦好入味，又香又辣既胡椒香味好正！好想再叫多碟，再黎多個台灣花雕蒸中蝦，呢個清清地，酒味中帶有鮮蝦味道。我地仲叫左個新竹米粉，好有台灣地道風味，而且米粉好爽，分量好大，好食，仲叫左個三杯大卷，原來係魷魚圈，佢切到每一件都好厚，口感唔錯，又好食。總括埋單每人都係$200，尖沙咀地段又食到咁飽真係值得推薦！