燒魂 (已結業)

講到燒肉放題必定喺尖沙咀嘅燒魂😝作為大胃王又點可以錯過~揀咗平日18:00嘅時段，二百幾蚊好抵食，坐底就見到厚厚嘅點餐簿，分好唔同類別，要幾多件就落幾多，唔會浪費😋款式同種類太多，就講幾款必食~當然要叫一盤刺身，三文魚喺厚切，新鮮！吞拿魚就色澤鮮紅，口感脂肪比例較少，質感較腍😝食完刺身，天婦羅都係必選當中蟹柳天婦羅，香脆而內軟~炸蝦香脆而彈牙😋單係雞翼都有好多款，燒緊雞翼時，職員仲教我地點燒先可以熟而嫩，真係好體貼😝孜然味係最好食，入味而肉嫩~除雞翼外仲點少得豬、牛，單係牛舌都有2款，分厚、薄，仲有和牛、壺漬牛粒、牛裡肌等，和牛雪花分佈均勻，入口即溶~質素極高！本身想試卜卜蜆，但可惜冇曬，就叫咗冬陰公魚腐粉絲鍋，食落少少酸酸辣辣，好正！見到隔離食蕃茄烏冬，用石頭鍋上都絕唔馬虎😝作為燒肉放題，質素同選擇都好到位！食物上得好快，二百幾蚊嚟講 Cp值好高！