武士拉麵 (已結業)

尖沙咀有好多間拉麵舖，尤其是喺厚福街嗰邊附近。今次去咗呢間都係尖沙咀區入邊，比較遠少少嘅拉麵小店，唔使同人逼。店舖入邊比較細唔算好多位，全部都係吧枱位。Menu上嘅湯底款式都唔少，有魚介豬骨味、有醬油味、蔥油味、地獄辣味、鹽味等等。拉麵嘅湯底都係用唔同嘅日本將軍同武士命名，符合番佢間鋪個名「武士拉面」同朋友分別叫咗地獄辣湯底同埋蔥油豬骨湯底。地獄辣湯底好有風味，但係又唔會太辣 ，搞到完全入唔到口。蔥油湯底味道濃郁，另外可以加少少店家推薦嘅魚介油，令湯嘅味道更出更香。湯底算唔錯，不過每碗麵入邊得兩片叉燒同一塊紫菜，唔算豐富。食客可能加埋小食先夠食。