影片
更多
2019-05-17
146 瀏覽
今日約咗朋友一齊去尖沙咀飲嘢，飲嘢前想食啲嘢但又諗唔到食邊間好，同事就推介左呢間位於尖沙咀嘅shine，佢話食過好食所以就叫我地去試吓。餐廳嘅價錢唔係好貴，百幾蚊就有一個飯/pasta，喺尖沙咀來講都算係咁。我哋叫咗幾樣嘢食，第一樣嚟嘅係黃金手工蟹波配菠蘿酸忌廉。睇落去大大粒咁幾吸引。切開見到入面真係充滿淡淡蟹肉！好驚喜！入邊有少少三色椒。呢個蟹波我幾欣賞，因為真係好足料。但個菠蘿酸忌廉就稍為有啲遜色，調得比較稀同埋味道唔太濃烈，所以我都係就咁食個蟹波。之後係煙三文魚蝴蝶粉配刁草檸檬汁。煙三文魚好香，同普通食開嘅三文魚比佢味道更加香濃。蝴蝶粉煮得啱啱好，但個刁草檸檬汁就落檸檬重手得滯，稍為酸咗啲。我好鍾意食羊架，基本上去親西餐廳都會叫。所以我又叫咗個法式寶雲酥焗羊架配薄荷醬。今日舊羊架稍為肥咗啲，食落去好大舊肥膏，但係舊羊架真係好大好厚肉，非常之滿足到我自己對羊架嘅慾望。由於離下場都仲有啲時間，所以我哋一人叫咗一杯嘢飲。朋友就叫咗杯Kiwi Soda，佢係真係用奇異果打出嚟嘅，飲到有奇異果肉係入面，不過落重咗糖漿比較甜。我就叫咗杯Full of Passion，入面有薄荷葉同埋熱情果汁
餐廳嘅價錢唔係好貴，百幾蚊就有一個飯/pasta，喺尖沙咀來講都算係咁。
我哋叫咗幾樣嘢食，第一樣嚟嘅係黃金手工蟹波配菠蘿酸忌廉。睇落去大大粒咁幾吸引。
切開見到入面真係充滿淡淡蟹肉！好驚喜！入邊有少少三色椒。呢個蟹波我幾欣賞，因為真係好足料。但個菠蘿酸忌廉就稍為有啲遜色，調得比較稀同埋味道唔太濃烈，所以我都係就咁食個蟹波。
之後係煙三文魚蝴蝶粉配刁草檸檬汁。煙三文魚好香，同普通食開嘅三文魚比佢味道更加香濃。蝴蝶粉煮得啱啱好，但個刁草檸檬汁就落檸檬重手得滯，稍為酸咗啲。
我好鍾意食羊架，基本上去親西餐廳都會叫。所以我又叫咗個法式寶雲酥焗羊架配薄荷醬。
今日舊羊架稍為肥咗啲，食落去好大舊肥膏，但係舊羊架真係好大好厚肉，非常之滿足到我自己對羊架嘅慾望。
由於離下場都仲有啲時間，所以我哋一人叫咗一杯嘢飲。朋友就叫咗杯Kiwi Soda，佢係真係用奇異果打出嚟嘅，飲到有奇異果肉係入面，不過落重咗糖漿比較甜。
我就叫咗杯Full of Passion，入面有薄荷葉同埋熱情果汁，酸酸甜甜得來又有少少清新感，我幾鍾意。
張貼
