喜記蟹將軍

營業中

休息中

💥今日同班friend去試吓呢間老字號，果然名不虛傳！海鮮新鮮冇得輸，鑊氣十足夠地道～ 想食避風塘風味嘅話，呢間絕對係尖沙咀首選！ 🦀 喜記招牌避風塘炒辣蟹🌶️（必點！） 一上枱就聞到超香蒜辣味！蟹肉爆多又鮮甜，啖啖肉仲要夠晒鑊氣🔥。避風塘炒法嘅蒜酥同辣椒乾脆卜卜，撈埋蟹膏一齊食，邪惡到極點！l🦐 椒鹽瀨尿蝦瀨尿蝦大隻到嚇親人！椒鹽醃得超入味，外殼炸到脆卜卜，連殼都可以啜幾啖😋🐚 辣酒煮花螺 花螺浸滿咗辣酒湯汁，一啜就成粒螺肉彈出嚟，爽口冇沙！湯底有淡淡當歸同藥材香，辣得嚟好暖胃🤤🥚 鹹蛋蒸肉餅肉餅鬆化，鹹蛋黃流心嘅油香滲晒入豬肉度，仲有馬蹄粒增加口感，送飯簡直無敵🍚喜記真係唔會令人失望，無論係海鮮新鮮度、師傅嘅炒功，仲係經典嘅避風塘風味都做得好到位！下次想同朋友圍埋一齊歎地道海鮮，一定會再嚟呢度～ 鐘意避風塘菜系嘅朋友，千祈唔好錯過呀！😉#喜記 #避風塘炒蟹 #尖沙咀美食