陳小館 (已結業)

今日放假出咗嚟尖沙咀行街，突然好想食吓點心，搵咗呢間陳小館😆餐廳裝修比較新，牆上面掛咗啲有關舊香港嘅相～幾有風味！我哋坐卡位，坐得都好闊落👍🏻我哋一定會叫平時最鍾意食嘅鮮蝦菜苗餃 ($18)🦐真係做到皮薄餡靚，入面仲有好多蝦，好滿足！我哋仲encore多一客添🤤另一個我的最愛，白金流沙包 ($20) 啲皮好軟熟，內餡好流心，唔似有啲酒樓會有層油分離，亦唔會過甜，呢個都好好味☺️我最鍾意食白玉綿花雞 ($32) 嘅魚肚🤤索哂啲汁真係好好食～濃湯鮮竹卷 ($28) 有三大條，啲餡好飽滿，口感亦都好豐富😋我係第一次食紅米金沙蝦腸 ($38) 呢一類點心，原來係咁好食😳中間嗰層炸衣超脆，配埋腸粉皮同埋蝦，層次好豐富👍🏻芝士蝦長春卷 ($32) 都炸得好脆口，我平時麻麻地炸嘢都覺得唔錯～搵唔返張相🥲睇大合照最後嚟個甜嘅，棗皇紅棗糕 ($18) 非常煙韌，唔會過甜，合我口味～我覺得整體嚟講食物質素唔錯，最緊要係啲點心真係樣樣都熱辣辣架🤤非常好！