真‧章魚無雙 (已結業)

個人最鐘意既章魚小丸子店，第一間諗到既一定係真章魚無雙。不過通常係去葵廣掃街先會食到，其他分店又唔近我。今次佢終於開係尖沙咀，仲要係好多野食齊集既厚福街，真係方便好多，收工都可以去食!平時都數都係叫明太子口味或者係大阪風，今次都想試D新野，叫左櫻花蝦。呢到出食物都幾快，5-10分鐘就有。櫻花蝦鋪曬係面，好多料! 表面再加埋個汁，有少少辣辣地，似明太子醬既base，配埋粒粒櫻花蝦，口感又更上一層樓! 咬開係熱辣辣，仲有粒粒章魚，十分足料，呢款相信都係我第時會encore既款式！