真‧章魚無雙

營業中

休息中

【油尖旺區】【真‧章魚無雙】尖沙咀厚福街出名多嘢食，之前成日同啲乜乜哥物物哥去呢度去嗰度食嘢都冇乜機會自己過嚟呢邊望吓。啲店舖同餐廳有部份都經歷咗一啲嘅更替，不過有間我自己都幾中意食嘅食肆居然喺度開咗分店而我唔知，趁呢個機會就梗係試試佢啦，講緊就係呢間。之前都食過佢哋喺葵廣同太安樓嘅分店，知道佢哋嘅質素都相當高。今次都係試 $42 嘅八粒雙拼章魚燒，我揀咗「明太子章魚燒」同「櫻花蝦章魚燒」嚟試，前者嘅明太子味好濃，啱晒明太子控，後者就有好多櫻花蝦，相當足料，都係水準相當高嘅章魚燒。。。（地址：尖沙咀厚福街7A號地下D號舖）@top1_takoyaki_tst#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖沙咀 #尖東 #紅磡 #1am紅館

食飯前路過見到一直好鍾意嘅章魚燒開咗喺尖沙咀即刻要食返盒先！黑松露章魚燒 &蟹膏章魚燒 雙拼黑松露章魚燒香氣四溢!烤肉店度客人遠遠地就聞到黑松露散發出嘅陣陣香味。 章魚彈牙爽口, 配合煙熏訂滋味同細緻嘅黑松露醬汁,完全唔會感到膩口。絕對係呢間店必試嘅招牌菜!蟹膏章魚燒呢間店嘅蟹膏章魚燒絕對係一絕! 再加入香濃甘甜嘅蟹膏醬汁,再灑上一層爆漿嘅蟹膏,煮至恰到好處。每一口都回味無窮,濃郁滑順,一定會令你停不了口！係一款既爽口又滿足味蕾嘅絕品。

最近放工經過TST既【真‧章魚無雙】，突然好挂住日本美食同埋無時間坐低食、所以就叫左一份6粒既明太子章魚燒。因爲算係非繁忙時間所以基本上唔使等、立刻就有。本身怕已經整好、會唔會凍曬，但完全無呢個問題。章魚燒熱辣辣、外脆内嫩。明太子醬加得一D都唔小氣、不過個人覺得略嫌太多、會鹹左少少同有D膩，可能下次有機會會叫少D醬果D味道或者要求少醬。整體個人覺得算係比較高質既章魚燒鋪頭、有10幾種章魚燒口味、下次會再試下其他味道。

假期最鍾意去尖沙嘴行街！下午茶時間行到攰想搵啲小食醫下肚，之後發現章魚無雙都喺尖沙嘴插旗！而且地理位置都好近地鐵站，行幾分鐘就到喇😆😆😆櫻花蝦章魚燒外脆內軟，上面嘅櫻花蝦亦都絕對非常足料，配上木魚，每一啖都好入味。絕對係咁多款入面會推介嘅一款。黑松露章魚燒作為黑松露嘅愛好者，呢度嘅黑松露醬絕對會話係啱我嘅口味，佢呢一款亦都非常之夠味，而佢嘅章魚燒亦都好大粒，行街行到好肚餓食一食一定可以填飽你嘅肚。

尖沙咀店位於厚福街，但就比起其他分店冇咁多人等！平時葵芳旺角都起碼等15-20分鐘架！呢到等5分鐘就有🙌🏻🙌🏻🙌🏻呢間一直係我係香港食章魚燒嘅首選！因為係跟返日本,唔係落椰菜又成口粉嘅港式章魚燒🥴而且章魚大大粒,又有多款口味揀🤤選擇困難嘅仲可揀雙拼添！平時我就好鐘意食黑松露、蟹杍、蜜糖芥末味💞今次就揀左櫻花蝦！櫻花蝦章魚燒 $36滿滿的櫻花蝦🦐但有少少辣！但醬汁好足，啖啖都食到櫻花蝦味

每次去葵廣都會食真‧章魚無雙 ，原來喺尖沙咀嘅厚福街都開咗呀😍😍章魚燒都係即叫即製，每次食都係新鮮熱辣辣的♨️每一粒既size都是一樣的好多款唔同既口味選擇，加$2又可以無雙拼😚 可一次過食2款都得～今次叫左芝士章魚燒🧀🐙 呢隻味就唔可以雙拼喔！流心既半溶芝士醬，用火槍輕輕燒左一燒，章魚燒外層薄脆香口再加上了沙律醬，整體非常邪惡吸引🤩😍內餡軟腍嫩口，每一粒章魚燒內都有大大粒彈牙既章魚粒🐙

真‧章魚無雙呢間「真‧章魚無雙」喺葵芳又細食到大，如果同朋友講起章魚燒一定就會介紹呢間「真‧章魚無雙」，早幾日經開尖沙咀厚福街諗咗好耐食咩小食好，厚福街出名多小食，最後決定食章魚燒，呢間章魚燒一共有14種口味比你揀，今次揀咗兩款，第一款係人氣No.1嘅大阪風章魚燒，第二款係蟹子章魚燒，如果要雙拼味道加$2，大約等十分鐘就已經整好，即叫即整，放落口熱到飛起！1.大阪風章魚燒（4粒）（9/10）呢個大板風章魚燒係人氣No.1，我比較鍾意紫菜味同木魚絲，醬汁係用咗好傳統嘅章魚醬，外面有少少脆，入麵粉漿唔算多，每一粒章魚燒都有一至兩粒章魚粒，都算足料，好味！2.蟹子章魚燒（4粒）（9.5/10）呢個蟹子章魚燒面上爆多蟹子，有兩粒係橙色，有兩粒係綠色，味道係一樣，咬落去勁大聲「啪啪聲」，外面有少少脆，入麵粉漿唔算多，每一粒章魚燒都有一至兩粒章魚粒，都算足料，自己比較鍾意蟹子章魚燒，超好味！2人總共價錢$44個人口味總評分：9.25/10地址：尖沙咀厚福街7A號地下D號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我

細個仲係𡃁妹個陣成日蒲葵廣 次次都要同frd食章魚燒🐙一人一半剛剛好到宜家間鋪由葵廣開到周圍都係每次見到都會諗起以前 有冇人明😩今次黎個回憶殺 係尖沙咀分店嗌返個雙拼同frd share食😍😍舖頭細細 即叫即整熱辣辣💨✿ 大阪風+明太子 章魚燒 (8粒) $43 ✿太多口味花多眼亂👀所以直接嗌左人氣no.1 & 2🏆醬汁一啲都唔孤寒 浸晒每一粒章魚燒每一粒都有粒粒好彈牙嘅章魚🐙好足料丸子外脆內軟 粉漿唔算好多 外皮少少燶 脆脆地口感幾好🫣宜家諗到可以掃街既地方都有佢既分店實在係太方便啦🥹

🐷📌 #豬西食尖沙咀 #豬西食九龍.
尖沙咀嘅厚福街出名好多嘢食 轉過彎就可以食到呢一間幾出名嘅真‧章魚無雙佢哋啲章魚燒出咗名好好食 而且味道選擇亦都有好多.🐷 櫻花蝦章魚燒
章魚燒外皮香脆 面頭加入咗櫻花蝦 未入口即感受到櫻花蝦嘅鹹香 食落去都感受到層次分明嘅口感.🐷黑松露章魚燒
如果你鍾意松露嘅話 呢款黑松露章魚燒絕對唔可以錯過~ 黑松露醬嘅份量亦都係好大方 而且入面啲章魚粒粒都幾大粒 肉質亦都唔錯 咬落真係好爽口～.小編覺得佢哋啲章魚燒嘅價錢唔算好貴而且真心覺得好食! 強烈推薦比大家～.真‧章魚無雙📍尖沙咀厚福街7A號地下D號舖.#吃貨日常 #香港 #茶餐廳 #Cafe #麵包 #西餐 #中餐 #日本菜 #韓國菜 #泰國菜 #堂食 #好西 #食 #香港美食 #hkfoodie #foodiehk #尖沙咀 #尖沙咀好去處 #尖沙咀美食

話說經過旺中一定要食章魚無雙，但係每次都排好耐隊🫠早幾日喺尖沙咀剪完頭髮，都差唔多夜晚九點幾，想搵啲小食食吓，竟然見到厚福街開咗章魚無雙就諗住去食啦。識食一定嗌黑松露嘅🤣🤣咁我就嗌咗個黑松露同明太子雙拼。唔知呢間係唔係加盟店定係點樣呢？其實我食落去就覺得有啲失望嘅，因為每一次去旺中食嘅時候都會覺得好好食，但係今次八粒入面起碼有一半都係散咗嘅章魚燒，其中有幾粒仲好似燒燶咗咁好韌，入面粒章魚又冇以前咁大粒。。都係嗰句啦。。年紀大啦，冇咩quota。又係食淨幾粒都忍唔住dum咗佢。。。

行經尖沙咀見到有章魚燒，呢間專賣章魚燒，有成14種唔同嘅口味！當日遇上既小小肥仔店員，好有禮貌又nice。見佢收order之後就好努力即叫即整，真正用章魚，每一粒入面都有2-3粒章魚仔，真材實料。我叫左佢既top 1 大阪風章魚燒，top 2 明太子章魚燒。2款都好味！大阪風用傳統既章魚燒醬，配好多海苔粉，好突出地好香海苔味。明太子就有豐富既沙律醬同明太子十分咸香又creamy。企一陣都見好多人叫唔同既口味，見到聞到都好吸引。掃街下次唔好錯過呢間！唔同味既章魚燒，逐樣再試😋

今日同朋友係尖沙咀行完街, 有d 口痕, 經過真‧章魚無雙聞到好香, 就去左買左章魚燒食小店差唔多有14款口味選擇, 包括唔少新口味選, 將唔同配料配搭經典嘅章魚燒, 仲可以變雙拼, 分別有6粒同8粒選擇, 由點餐到取餐, 全程大概5分鐘櫻花蝦章魚燒章魚燒即叫即燒, 超級大粒足料, 店員燒到外脆內滑, 粉漿做到好輕簿, 一咬開就見到超大粒既章魚🐙, 章魚煙靭有咬口, 面頭仲有大量木魚絲,同櫻花蝦, 醬汁平均覆蓋喺章魚燒上, 每淡都食到櫻花蝦嘅鮮味, 邪惡得嚟又好惹味

餐廳：真‧章魚無雙地點：尖沙咀厚福街菜式：小食餐牌：14款章魚燒口味，價錢分別有6粒同8粒，加$2可以雙拼。叫左雙拼8粒，分別係明太子同櫻花蝦口味，$44。店員好快就整好。首先章魚燒整得外脆內滑而有大大粒煙韌章魚粒，真材實料！醬汁豐富。明太子味少少辣，面頭灑上豐富紫菜粉。櫻花蝦味真係有超多櫻花蝦，可以加添口感，個醬汁都辣辣地，好惹味。章魚燒用紙盒上，伴有竹簽，面頭再加上豐富木魚花。呢個小食都唔錯。

以前成日去葵芳行街，都會經過呢間章魚燒專門店👅好鍾意呢度有各式各樣嘅配搭，今日出開尖沙咀，原來都有分店，多咗小朋友自然會鐘意食街頭小食，一於帶佢去試下🤤出開去厚福街食飯，食埋先上去晚餐啦，過下口癮，小丸子選擇多不勝數，今次選擇蒜香牛油粟米，超級多粟米，味道香濃，蒜蓉香氣撲鼻，牛油份量都唔少嘅，入面嘅章魚，口感煙煙靭靭，質感一流，小丸子又皮薄餡靚✨阿仔好鐘意食，食到舐舐脷，下次已經話要嘗試芝士章魚燒，今次真係大件事，次次去葵芳同尖沙咀都阿仔記得呢間章丸燒專門店💯💯

平時去開葵涌廣場一定必去食既章魚無雙，今日路過尖沙嘴厚福街，想不到開到黎呢度，雖然店鋪位置算隱蔽，但都俾我搵到，哈哈。其實好容易搵，喺厚福街直行到尾，見到文具店轉入去就係了。今日想一改傳統，想試啲特別啲既味道，所以同朋友一齊揀左個「櫻花蝦」拼「激蔥」章魚燒（每款4粒），晚飯前口痕既選擇❤️❤️「激蔥章魚燒」真係無改錯名，真係超級多蔥，本身都好鍾意蔥，好啱我，咬開裡面都係經典有章魚粒既章魚燒，加埋激蔥既點綴就口感變得更豐富！「櫻花蝦章魚燒」都真材實料，材料貴但都佈滿滿滿的櫻花蝦，每一口章魚燒都有櫻花蝦的鮮味，除了口感還有鮮味！創新都不失傳統必備既木魚花，最愛！