影片
更多
2022-04-30
180 瀏覽
之前喺附近返工耐唔耐都會嚟食Lunch,今日喺尖沙咀行完Donki想食壽司，即刻諗起逸壽司!!之前因為Lunch time得一個鐘，所以都係嗌$138八件壽司加手卷餐，今日可以慢慢食，我決定豪少少食Omakase😆因為想食多啲壽司，所以我揀咗有十件壽司嘅梅套餐。前菜有沙律、海帶麵豉湯、枝豆同芥末八爪魚配日本榨菜，非常豐富！清甜爽脆嘅沙律菜配芝麻醬十分開胃。芥末八爪魚食得出wasabi味又唔會攻鼻，食得幾舒服。由於壽司現場製作，正好可以一邊食住枝豆一邊欣賞師傅整壽司。(由左上開始)大卜口:油脂豐富鯖魚:刺身上面加咗片醋昆布，酸酸甜甜銀鱈魚:火炙後表面焦香，魚油豐盈間八: 口感韌中帶少少脆，非常獨特伊佐目: 魚肉鮮嫩細滑，口感柔軟赤貝: 肉質爽厚，鮮味十足蜜柑鯛:因為飼料加入咗蜜柑，所以魚身散發天然嘅蜜柑味道北海道特丹蝦:好大隻！肉質緊緻彈牙金目鯛：魚油燒過之後，令魚更香味更濃北海道海膽：我最最最期待嘅一件！海膽creamy 鮮甜香濃無臭味，而且份量頗多，要分兩次先食得曬😋食完一件真係好想再加多件！蔥花吞拿魚茸手卷:脆脆嘅紫菜包住軟綿綿嘅吞拿魚蓉，入口即融。食完手卷已經好飽好滿足，準備埋單
之前因為Lunch time得一個鐘，所以都係嗌$138八件壽司加手卷餐，今日可以慢慢食，我決定豪少少食Omakase😆
因為想食多啲壽司，所以我揀咗有十件壽司嘅梅套餐。
前菜有沙律、海帶麵豉湯、枝豆同芥末八爪魚配日本榨菜，非常豐富！清甜爽脆嘅沙律菜配芝麻醬十分開胃。芥末八爪魚食得出wasabi味又唔會攻鼻，食得幾舒服。由於壽司現場製作，正好可以一邊食住枝豆一邊欣賞師傅整壽司。
(由左上開始)
大卜口:油脂豐富
鯖魚:刺身上面加咗片醋昆布，酸酸甜甜
銀鱈魚:火炙後表面焦香，魚油豐盈
間八: 口感韌中帶少少脆，非常獨特
伊佐目: 魚肉鮮嫩細滑，口感柔軟
赤貝: 肉質爽厚，鮮味十足
蜜柑鯛:因為飼料加入咗蜜柑，所以魚身散發天然嘅蜜柑味道
北海道特丹蝦:好大隻！肉質緊緻彈牙
金目鯛：魚油燒過之後，令魚更香味更濃
北海道海膽：我最最最期待嘅一件！海膽creamy 鮮甜香濃無臭味，而且份量頗多，要分兩次先食得曬😋食完一件真係好想再加多件！
蔥花吞拿魚茸手卷:脆脆嘅紫菜包住軟綿綿嘅吞拿魚蓉，入口即融。
食完手卷已經好飽好滿足，準備埋單之際，店員提我仲有甜品未食，我心諗雖然好飽但應該仲有少少位食到甜品嘅，況且雪糕啫，應該食到嘅…點知店員一上個甜品，我即刻呆咗😨
好大盒！
個餐四百蚊都唔駛，又牡丹蝦又海膽又間八又大大盒日本雪糕，真係好有良心。如果大家經過尖沙咀，一定要嚟幫襯下，真係物超所值㗎！
張貼
