影片
更多
2024-04-30
51 瀏覽
今日同朋友試咗尖沙咀諾士佛台呢一間新開叫「廿三 . 壽喜燒」嘅傳統席前烹煮關西壽喜燒，餐廳既設計好特別。呢度嘅壽喜燒午市套餐有分 $423同$523兩個價位，而晚市套餐就有 $723同$923兩個價位，主要喺和牛嘅部份同級數有唔同。餐廳採用嘅食料喺日本A4等級嘅近江牛，因為每年得到近江和牛評級嘅牛數量唔多，所以喺香港好少餐廳食到近江牛！而且餐廳嘅廚師喺席前即時烹煮食物，可以跟進客人嘅進食速度同口味之餘，又可以同客人交流，成個用餐體驗都好好！上菜前有一隻牛牛造型嘅乾紙巾，一濕水就會變成濕紙巾比客人抹手，非常得意。前菜有糖漬蕃茄、黑芝麻豆腐同螢光油魚，擺盤精緻，食落開胃；之後上咗海苔燉蛋，蒸蛋非常嫩滑，配上海苔絲有一種食落清淡但又舒服嘅感覺；然後上咗和牛刺身，A4近江和牛嘅牛肩肉同西冷部位，油脂分布平均，配埋淡路島嘅洋蔥絲同青瓜絲，加洋蔥醋一齊食都覺得腥，非常有口感；之後就到主菜，廚師會企喺客人枱前即場攤主壽喜燒，有A4近江和牛嘅唔同部位，包括肉眼、西冷、牛肩等，細緻嫩滑嘅肉質配埋甘香嘅油脂，做到入口即溶，加上餐廳自家調製嘅壽喜燒醬汁，配埋日本生雞蛋，每一啖和牛都係味蕾上嘅大滿足，如果覺得
呢度嘅壽喜燒午市套餐有分 $423同$523兩個價位，而晚市套餐就有 $723同$923兩個價位，主要喺和牛嘅部份同級數有唔同。餐廳採用嘅食料喺日本A4等級嘅近江牛，因為每年得到近江和牛評級嘅牛數量唔多，所以喺香港好少餐廳食到近江牛！而且餐廳嘅廚師喺席前即時烹煮食物，可以跟進客人嘅進食速度同口味之餘，又可以同客人交流，成個用餐體驗都好好！
上菜前有一隻牛牛造型嘅乾紙巾，一濕水就會變成濕紙巾比客人抹手，非常得意。前菜有糖漬蕃茄、黑芝麻豆腐同螢光油魚，擺盤精緻，食落開胃；之後上咗海苔燉蛋，蒸蛋非常嫩滑，配上海苔絲有一種食落清淡但又舒服嘅感覺；然後上咗和牛刺身，A4近江和牛嘅牛肩肉同西冷部位，油脂分布平均，配埋淡路島嘅洋蔥絲同青瓜絲，加洋蔥醋一齊食都覺得腥，非常有口感；之後就到主菜，廚師會企喺客人枱前即場攤主壽喜燒，有A4近江和牛嘅唔同部位，包括肉眼、西冷、牛肩等，細緻嫩滑嘅肉質配埋甘香嘅油脂，做到入口即溶，加上餐廳自家調製嘅壽喜燒醬汁，配埋日本生雞蛋，每一啖和牛都係味蕾上嘅大滿足，如果覺得太濃味，客人仲可以按需要向職員要求一碗珍珠米白飯；燒唔同部位嘅牛肉中間會加插烹煮唔同嘅蔬菜，例如冬菇、面筋、白菜、大蔥、豆腐同皇帝菜，蔬菜會吸收晒壽喜燒嘅醬汁，非常惹味，其中最特別嘅係淡路島熟成洋蔥，用壽喜燒醬汁燒完之後仍然食到洋蔥嘅鮮甜味，唔會有辣味或者刺激感，平時唔食洋蔥嘅人都會鍾意食；而蒟蒻麵亦都有驚喜，口感彈牙，吸收晒壽喜燒醬汁；之後有個牛柳粒滑蛋炒飯，滑蛋炒得好嫩，食埋個飯好飽肚；最後有個紅豆牛奶布甸配黃豆粉蕨餅，味道唔會太甜，中和咗壽喜燒嘅油膩。
📍尖沙咀諾士佛臺10號騰龍閣23樓
位置就腳：🍊🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊🍊
整體CP值：🍊🍊🍊🍊🍊
張貼
