影片
更多
2025-06-19
349 瀏覽
五月中去咗食午餐，同一時段剩係得三個客。食咗佢個壽司套餐，壽司唔錯嘅，不過上菜好慢，午餐仲會跟一個烏冬，我覺得烏冬係難食嘅，係驚你食唔飽跟啲碳水俾你個種。高級經理好熱情，好落力介紹。佢講到自己有個名物，鮑魚芽蔥海膽壽司，講到佢個個客都好鍾意，好難先爭取到可以擺落個Menu度俾人散叫。見佢吹到咁大，咁我咪俾下面囉。咁我覺得其實就幾普通。另外我叫咗佢嘅時令活蠔，因為一向幾鍾意食日式生蠔嗰種清淡嘅調味。不過今次因為坐吧枱，睇到佢製作嘅過程。佢首先喺雪櫃拎咗個鐵兜出黎，打開保鮮紙，夾左舊肥大嘅蠔肉出嚟，然後擺上一嚿蠔殼上面再調味。我唔知道隻蠔係咪仲呼吸緊，亦都唔知呢個做法係咪行業標準，但係見到就有少少唔開胃。味道黎講係正常，聞落食落都係冇臭味嘅，醬汁對我黎講就有啲太濃。價錢一啲都唔平，每人都五百幾。最後經理埋單嗰陣仲走嚟推銷購買會籍，我真係唔知點應佢好，我欣賞佢嘅敬業，但係過唔到自己個關。唯有同佢講下次先啦（如果仲有下次）。最後，我同我朋友都肚痾，佢痾左一次，我就慘d痾足兩星期。因為好忙，冇去睇醫生，亦都冇報衛生署。究竟關唔關呢餐事，我自己都唔知，好可能係我體質問題，但係以後我喺日本餐廳食活蠔
高級經理好熱情，好落力介紹。佢講到自己有個名物，鮑魚芽蔥海膽壽司，講到佢個個客都好鍾意，好難先爭取到可以擺落個Menu度俾人散叫。見佢吹到咁大，咁我咪俾下面囉。咁我覺得其實就幾普通。
另外我叫咗佢嘅時令活蠔，因為一向幾鍾意食日式生蠔嗰種清淡嘅調味。不過今次因為坐吧枱，睇到佢製作嘅過程。佢首先喺雪櫃拎咗個鐵兜出黎，打開保鮮紙，夾左舊肥大嘅蠔肉出嚟，然後擺上一嚿蠔殼上面再調味。我唔知道隻蠔係咪仲呼吸緊，亦都唔知呢個做法係咪行業標準，但係見到就有少少唔開胃。味道黎講係正常，聞落食落都係冇臭味嘅，醬汁對我黎講就有啲太濃。
價錢一啲都唔平，每人都五百幾。最後經理埋單嗰陣仲走嚟推銷購買會籍，我真係唔知點應佢好，我欣賞佢嘅敬業，但係過唔到自己個關。唯有同佢講下次先啦（如果仲有下次）。
最後，我同我朋友都肚痾，佢痾左一次，我就慘d痾足兩星期。因為好忙，冇去睇醫生，亦都冇報衛生署。究竟關唔關呢餐事，我自己都唔知，好可能係我體質問題，但係以後我喺日本餐廳食活蠔，一定會問清楚蠔係咪即開。
張貼