影片
更多
2021-11-29
702 瀏覽
今日去尖沙咀行街，老婆話見到間越南菜好想去試下，咁arm未到食飯時間唔係好多人於是就入去試下。入到去已經見到好有越南氣氛，成幅牆畫曬越南油畫。原來我哋坐低嘅時間仲係下午茶時段。咁就睇下下午茶有咩好食。番茄蟹頭膏扎肉湯檬$54：超級大碗，番茄味好濃，而且仲有濃濃嘅蟹膏味同蟹肉，非常鮮味，一啲味精都冇，扎肉好爽口，檬粉好滑，連湯都可以飲埋。香茅豬扒撈檬：香茅豬扒好大塊，仲大塊過我手掌，而且醃得好入味香茅味好濃，一啲都唔油，加埋佢地自家特製嘅檬汁，食到停唔到口。越式炸蝦餅（跟餐加28蚊）：蝦餅好大塊，炸得超金黃，又香脆，食到停唔到口。越式春卷（跟餐加18蚊）：好大條，而且好足料，個春卷皮好脆。椰汁珍多冰（跟餐+$12）：估唔到喺越式餐廳既珍多冰都咁有水準，而且好濃椰汁味，又唔會太甜。檸檬蜜糖薑茶（跟餐+$8）：原來唔係即沖嘅粉劑，喺餐廳自家調製，唔怪之得個味道咁特別出面飲唔到，咁凍嘅天氣飲番杯成身暖曬。兩個人食都係百零蚊簡直係超值，仲要咁多嘢食。尖沙咀嚟講簡直係性價比。
入到去已經見到好有越南氣氛，成幅牆畫曬越南油畫。
原來我哋坐低嘅時間仲係下午茶時段。咁就睇下下午茶有咩好食。
番茄蟹頭膏扎肉湯檬$54：超級大碗，番茄味好濃，而且仲有濃濃嘅蟹膏味同蟹肉，非常鮮味，一啲味精都冇，扎肉好爽口，檬粉好滑，連湯都可以飲埋。
香茅豬扒撈檬：香茅豬扒好大塊，仲大塊過我手掌，而且醃得好入味香茅味好濃，一啲都唔油，加埋佢地自家特製嘅檬汁，食到停唔到口。
越式炸蝦餅（跟餐加28蚊）：蝦餅好大塊，炸得超金黃，又香脆，食到停唔到口。
越式春卷（跟餐加18蚊）：好大條，而且好足料，個春卷皮好脆。
椰汁珍多冰（跟餐+$12）：估唔到喺越式餐廳既珍多冰都咁有水準，而且好濃椰汁味，又唔會太甜。
檸檬蜜糖薑茶（跟餐+$8）：原來唔係即沖嘅粉劑，喺餐廳自家調製，唔怪之得個味道咁特別出面飲唔到，咁凍嘅天氣飲番杯成身暖曬。
兩個人食都係百零蚊簡直係超值，仲要咁多嘢食。尖沙咀嚟講簡直係性價比。
張貼
