大樹燒烤 (已結業)

朋友生日食咩好，俾我哋搵到間串燒估唔到有驚喜，咩驚喜就要睇落去啦。。首先俾大家睇吓個環境先，呢度都幾大，都算坐得幾舒服，因為我哋好早就到，所以唔算多人。餐牌係自己係紙上點。。未見到樣，見到個圖都已經樣樣都想試吓野飲種類就唔算多，不過都有呢啲選擇。先講個炸曼頭，外脆內軟，好好味，唔算好大個，記得要趁熱食。 來嘅速度都幾快，已經預先燒咗，再放喺爐上面保溫，可以俾我哋慢慢亨用整體都燒得好適中，唔會太乾，又唔會唔熟。加埋佢哋嘅孜然粉一齊食真係好正。呢個茄子真係好有驚喜，我未食過燒得咁好味嘅茄子，味道剛剛好，唔會太咸，叫左小辣，又唔會好辣，又惹味好正。燒牛舌也不差，唔會好韌，夠香口。呢個芝士年糕真係好好味，又係外脆內軟，淡淡芝士香，口感又煙靭，有驚喜。最後叫左兩個煲，份量都唔少，配佢個湯底真係一流惹味。最後一提我真係好鍾意可以自己加味料，每台都有，可以隨時調教自己嘅味道。不錯最後朋友話呢餐生日飯食得好滿意，喺呢度仲可以帶埋蛋糕上嚟慶祝添，滿足的一個晚上