嘉寶漢堡 (和益中心)

咁啱喺尖沙咀收工又諗唔到食乜？不妨試吓喺寶勒巷嘅嘉寶漢堡，價錢真係好親民啲嘢又抵食。每次同朋友諗到食物嘅時候佢都會係我嘅首選。

今次我哋嗌咗兩個漢堡俾大家參考吓

BBQ醬菠蘿雞堡
食材用了新鮮蔬菜同蕃茄都好鮮甜，BBQ醬同烤雞絕對係Perfect match！漢堡包一啲都唔硬好淋身。

蜜糖芥末菠蘿牛堡
估唔到蜜糖芥末唔單單只係同雞肉絕配，配上牛肉都非常之出色，牛肉漢堡牛肉味濃煎得非常之香，蔬菜都好鮮甜爽脆。

番薯薯條都只不過係加$5份量十足，兩個人都夠食。

港式凍奶茶仲有茶餐廳嘅味道絕對唔會令你失望。

大家如果有機會咁啱喺尖沙咀行過就一定要嚟試吓啦！