福岡漢堡扒 (厚福街) (已結業)

每次行過厚福街都會不期然被用上搶眼藍色作門面的福岡漢堡扒吸引視線，餐廳主打不同口味、以100%澳洲和牛製作的石燒和牛漢堡扒，客人可以根據自己喜好煎成不同形狀、熟度。另外「福岡」漢堡扒其實係韓國過江龍，所以喺餐牌上都可以見到有不少韓菜元素。🌟兩人套餐（ver.4) $366跟餐有泡菜、椰菜絲沙律、麵豉湯。-🔸菠蘿煙肉和牛漢堡扒(中)🔸芝士蛋蒜和牛漢堡扒(中)漢堡扒以鐵板奉上，自己再用鏟切細細舊放上熱石燒，為免痴底2-3秒就要反一反，來回幾次就食得😆個人小心得第一下放上去時要壓一壓，反嘅時候可以一手揸鏟一手揸羹輔助，反起上嚟更得心應手～另外每隔一段時間店員都會主動更換熱石keep住熱辣辣，好貼心🫶🏻味道方面個人認為兩款分別唔太大，只係配料上嘅分別，不過兩款個牛味都好出，而且煎完都仲係軟熟多汁，好有驚喜！通常標榜「有得食、有得玩」都會覺得個味道可能只係一般般，不過親身體驗過就發現真係幾好玩而且仲要好食呢🤣🔸芝士泡豚丼飯大大碗好足份量，芝士炙燒過特別香口，夾埋酸酸辣辣泡菜一齊食惹味開胃。🔹巨峰提子特飲 跟餐+$18🔹金橘檸檬特飲 跟餐+$18雖然跟餐都要另外再加錢，但係係大杯到嚇親嘅程度，好抵