沃川自家料理

營業中

休息中

第一次嚟到呢間位於尖東既隱世日本居酒屋。舖頭入邊環境真係好似去咗日本當地既居酒屋！見到當日嘅客人都有唔少熟客。舖頭入邊都有獨立包廂預約，私隱度較高。🇯🇵花生豆腐🥜店員話係用花生做出嚟嘅豆腐🤣食落去淡淡既花生香味，個質地食落去有啲似布丁，好特別！出邊好少有，大家有興趣可以試吓。自選刺身拼盤🐟入邊有油甘魚腩、池魚薄切、廣島蠔、鮟鱇魚肝同白子。我自己就特別鍾意油甘魚腩同埋池魚！厚切既油甘魚腩鮮甜油香十足！薄切既池魚點上秘製嘅酸汁，爽口鮮味！廣島蠔大大隻，好肥美😋鮟鱇魚肝都係出邊少啲有，食落去都好滑幾creamy。而白子口感好滑嫩，撈埋啲蔥同蘿蔔蓉食，所以唔會好腥。自選串燒🍢入面有雞腎串、豬腩肉串、牛舌串、雞皮串、蒜芯同秋葵。燒雞皮同牛舌最為出色，雞皮脆身得黎，唔會燒到乾晒，仲保留到雞皮嗰種彈性！牛舌口感柔軟，燒得香口惹味！爆炒鷄橫隔膜🐔第一次食雞橫膈膜，其實食落去有啲似雞柳嘅質感，雞橫膈膜同洋蔥一齊爆炒，所以食落有洋蔥鮮甜的味道。做餸酒小菜，岩晒！沃川黑醬油拉麵🍜有三片煮到好腍嘅腩肉片，肥厚適中。而黑醬油湯底鮮味清香，唔係油膩既湯底，所以一啲都唔會滯。