影片
更多
2023-10-09
482 瀏覽
Weekend出尖沙咀食個靚靚all day breakfast~今次揀咗呢間有好多花同植物做裝飾的日式餐廳，裝修係日式木系，仲裝哂大玻璃窗，好光猛，背景音樂都好relax☺️Menu除咗有all day，仲有日式茶泡飯好似都好吸引，下次有機會再試。早晨全餐 $168Main有三樣嘢揀，我揀咗無激素雞扒作為呢個all day 的main。雞扒好大塊又厚身，食落都幾嫩滑幾juicy，連雞皮都好好味。薯仔沙律偏鹹咗dd ，食到薯仔碎同雞蛋碎，呢種少少鹹食落好惹味。沙律菜好新鮮，配肥仔芝麻醬，好欣賞佢加咗青提子，食落好fresh，藜麥亦都增加咗沙律的口感。蕃茄暖暖哋，調咗味，好清甜。炒蛋的蛋味好濃郁，好少食到咁濃郁的雞蛋，應該係關原材料事。窩夫偏軟，只有邊邊位有微微脆，so far都係ok好食嘅。有機穀物季節鮮果蜜糖乳酪個名好長🤣攪勻之後食到甜甜的蜜糖味，無乳酪的酸味，穀物脆脆都仲keep到脆，士多啤梨同藍莓好甜，成個乳酪mix埋好好食🥰跟餐餐茶 玫瑰橙香紅茶一擺低就聞到好濃的橙香，但飲落唔係好飲到玫瑰味同橙味，飲落似就咁飲香草茶。開心果紅桑莓雲呢拿蛋糕 +$40本來無打算食蛋糕，但佢的蛋糕真
Weekend出尖沙咀食個靚靚all day breakfast~
今次揀咗呢間有好多花同植物做裝飾的日式餐廳，裝修係日式木系，仲裝哂大玻璃窗，好光猛，背景音樂都好relax☺️
Menu除咗有all day，仲有日式茶泡飯好似都好吸引，下次有機會再試。
早晨全餐 $168
Main有三樣嘢揀，我揀咗無激素雞扒作為呢個all day 的main。雞扒好大塊又厚身，食落都幾嫩滑幾juicy，連雞皮都好好味。
薯仔沙律偏鹹咗dd ，食到薯仔碎同雞蛋碎，呢種少少鹹食落好惹味。
沙律菜好新鮮，配肥仔芝麻醬，好欣賞佢加咗青提子，食落好fresh，藜麥亦都增加咗沙律的口感。蕃茄暖暖哋，調咗味，好清甜。
炒蛋的蛋味好濃郁，好少食到咁濃郁的雞蛋，應該係關原材料事。窩夫偏軟，只有邊邊位有微微脆，so far都係ok好食嘅。
有機穀物季節鮮果蜜糖乳酪個名好長🤣攪勻之後食到甜甜的蜜糖味，無乳酪的酸味，穀物脆脆都仲keep到脆，士多啤梨同藍莓好甜，成個乳酪mix埋好好食🥰
跟餐餐茶 玫瑰橙香紅茶
一擺低就聞到好濃的橙香，但飲落唔係好飲到玫瑰味同橙味，飲落似就咁飲香草茶。
開心果紅桑莓雲呢拿蛋糕 +$40
本來無打算食蛋糕，但佢的蛋糕真係好靚好吸引，咁所以就叫咗一件試吓。
蛋糕賣相好精緻，一段竹節咁好靚，仲有金箔😍
蛋糕的開心果味超濃郁，係表面輕輕挑起少少都食得到好濃郁的開心果味道。切開見到裡面有大量的紅桑梅內餡，最底有層海綿蛋糕。紅桑梅味道都好濃郁，食落酸酸甜甜，同開心果味好夾，又唔會搶咗開心果的味道。呢款蛋糕好好食，不過唔係好食到雲呢拿味。
SP Senses (尖沙咀中心) (尖沙咀)
尖沙咀麼地道66號尖沙咀中心地下G64-66號舖
*上述文章只供參考及以當時價格為準
張貼
