六合小廚 (已結業)

行完尖沙咀apple store，見肚餓就去咗隔離棟大廈搵野食。睇下睇下，發覺七樓間六合小廚好似幾好食，野食又多花款，所以就二話不說咁入去食野。入到樓面大，食野都覺得舒服。拎起菜單，發覺好多野可以揀，店家仲有貼出facebook QRcode 比顧客去睇每日新鮮招牌菜係咩，十分貼心。我地就叫左一客兩人套餐，有燒味拼盤、蒜蓉開邊蒸蝦、西蘭花炒帶子、兩碗足料大例湯同埋兩碗大飯。燒味夠入味，送飯一流，食到我差點唔記得留返飯來配其他菜食。西蘭花炒帶子，帶子大大舊又夠鮮。蒜蓉開邊蝦好味又新鮮，食呢味菜，識食一定食埋粉絲，因為啲汁都係精華來。至於兩碗大湯，好足料，味又夠，正呀。