影片
更多
2016-11-01
651 瀏覽
今日去左美麗華間小丸子專口店買小丸子野，左揀右揀一輪之後原來已經成8點，於是就去搵地方食飯勒！同行有爸媽所以都費事行甘遠，就隨隨便便行左去「婚沙街」～即時被間餐廳門口呢個價錢牌吸引，明碼實價又經濟實惠（我覺得呀下～），天氣涼左食韓燒真係岩晒！好易搵又方便，「現代經典」我諗大多數人都知邊度，餐廳就正正喺隔離，會見到高麗軒個價錢板～行落去就是了！地方唔大，我諗10張枱都唔夠，好慶幸岩岩有一張4人枱～呢度無ipad 、無日式放題點菜紙比你落單，餐廳提供紙、筆，客人係要將食物編號寫喺張紙度～所以客人最好寫得靚仔d,以免睇錯、落錯單～呢度既任選食品有成本menu甘厚，有前菜、肉類（豬、雞、牛、羊）、蔬菜類、湯類、年糕、炸物、石頭飯、窩飯、炒粉絲、etc (以店舖面積唔多嚟講，食物選擇真係好多！）雖然任食都有肉類，但我地見到呢個餐牌寫住每位加$38 就可以試到佢地既特別推介，有質素再好d既肉類，而且仲有他他牛食！每人即加$38/位～$208/位任食係包埋飲品任飲（啤酒除外）～我地點左一渣《柚子蜜》中和下韓燒既熱氣～味道清甜唔溜幾岩我口味。前菜小食有5樣～蔬菜類我鍾意～叫左個《他他牛》食，以生蛋拌勻
今日去左美麗華間小丸子專口店買小丸子野，左揀右揀一輪之後原來已經成8點，於是就去搵地方食飯勒！同行有爸媽所以都費事行甘遠，就隨隨便便行左去「婚沙街」～即時被間餐廳門口呢個價錢牌吸引，明碼實價又經濟實惠（我覺得呀下～），天氣涼左食韓燒真係岩晒！
好易搵又方便，「現代經典」我諗大多數人都知邊度，餐廳就正正喺隔離，會見到高麗軒個價錢板～行落去就是了！地方唔大，我諗10張枱都唔夠，好慶幸岩岩有一張4人枱～
呢度無ipad 、無日式放題點菜紙比你落單，餐廳提供紙、筆，客人係要將食物編號寫喺張紙度～所以客人最好寫得靚仔d,以免睇錯、落錯單～呢度既任選食品有成本menu甘厚，有前菜、肉類（豬、雞、牛、羊）、蔬菜類、湯類、年糕、炸物、石頭飯、窩飯、炒粉絲、etc (以店舖面積唔多嚟講，食物選擇真係好多！）
雖然任食都有肉類，但我地見到呢個餐牌寫住每位加$38 就可以試到佢地既特別推介，有質素再好d既肉類，而且仲有他他牛食！每人即加$38/位～
$208/位任食係包埋飲品任飲（啤酒除外）～我地點左一渣《柚子蜜》中和下韓燒既熱氣～味道清甜唔溜幾岩我口味。前菜小食有5樣～蔬菜類我鍾意～
叫左個《他他牛》食，以生蛋拌勻，再撈d醬汁豉油食幾惹味。他他牛肉易咀嚼唔會腥。
之後點再好多肉，所以我都order 左《麵豉生菜》嚟包燒肉食～燒肉連麵豉食令肉味更出～
《烤什錦海鮮拼盤》& 《鹽燒什錦拼盤》 - 一睇就已經覺得每人加$38係超值！！海鮮同鹽燒肉都好新鮮！
《肉眼扒》- 比預期中稔，肉味濃，唔會太肥。
《皇者牛排骨》推介！呢個醃好左，醬油味適中唔會覺得咸。肉質鮮嫩易咀嚼，用菜包住食好正！麵豉醬都可以唔使點～
再點左《羊肉》&《雞肉》嚟燒～羊肉完全唔蘇，唔食羊肉既都可以試試。雞肉燒完唔太乾。
《豬腩肉》夠脂肪，燒起嚟唔乾入口溶化。《花甲》中規中矩。
《帶子》好鮮甜。
《年糕湯餃》餃子有驚喜，一點都唔馬伕，皮薄且餡料多，肉味夠，一碗有成5-6大隻！
溫馨提示：肉類放爐邊燒～無店員主動換燒網，燒左一陣網已黑，食物都沾上黑點。如果餐廳能多更換客人既燒網就very good勒。
店員有禮貌帶笑容，雖然有少少甩漏。
食到好飽又有野飲都只 每人$208+$38再加一，抵啦～
張貼
