天 · 悠蔬食 (已結業)

今晚不回家做個孝順女帶吃素十幾年的老媽去荃灣撐台腳😄店內裝潢清新，頭頂有藍天白雲，座位前後擺滿不少玻璃動物擺設，童趣味十足我哋點了兩個套餐（1)白松露蘆筍茄子紫薯焗千層濶面，配B 姬松茸竹笙百合黃耳燉湯+上海涼拌翡翠筍，燉湯不錯👍味香料足，有濃濃松茸味及落足黃耳燉令湯都呈少少膠膠的狀態。涼拌味道略淡。千層面分量輕盈，有大量芝士（可以拉絲架😍）但都唔會使整個意粉太膩，沒有嚴重口渴的味精，內裏夾雜大量蔬菜值得一讚👍🏻👍🏻美中不足的係蘆筍焗得太爛。（2)意大利牛肝菌幹燒伊面，配黑松露忌廉蘑菇濃湯+紫薯紅菜頭波波。這個波波值得加許🤣🤣我哋估左好耐佢用左咩材料，入口感覺很豐富而且又酸又甜好開胃，我哋就搵到紫薯茸裡有青蘋果紅菜頭粒，唔知你又搵到d咩呢??伊麵乾濕程度非常好 令到每一口伊麵的味道十分足夠又加入大量菇菇去炒 好惹味😏最後上個甜品做結尾 雖然椰汁糕係贈送但絕不失禮 ，熱辣辣斑蘭味濃口感軟糯