燒肉酒場 (已搬遷) 新店位置

日式燒肉食得多，日式成吉思汗燒肉又有無食過？竟然係銅鑼灣搵到呢間燒肉酒場係食呢種咁特別既燒肉，梗係要黎試下啦一去到就覺得裝修好有氣氛，牆身設計都好得意，好期待呀坐低就先食個前菜椰菜絲沙律，撈埋沙律同薯片碎好開胃洋葱係任食架，好清甜蒙古羊卷肉日式燒肉好少見食羊，呢個羊卷肉肥瘦均勻 ，羊味好濃又唔羶紐西蘭羊西冷羊西冷就比較厚切，燒到啱啱熟一咬有肉汁，呢個比羊卷肉有口感，更好味！牛板腱食左2款羊肉都食下牛肉啦，牛板腱係比較瘦既部位，雖然無咁滑但就肉味好濃，輕輕一燒半熟就食得柚子雞腿肉柚子雞腿肉既調味好清新，有柚子香又唔會太酸，簡單好食厚牛舌我對燒牛舌一向情有獨鍾呢個都無令我失望，塊塊都厚切，入口好軟嫩又帶少少脆口炸蠔都嗌左個小食試下羊湯烏冬最後食埋個烏冬就大滿足〜湯底清清地，帶有淡淡既羊味，都係比較少食到西柚燒酎食燒肉飲杯水果燒酎就最夾，值得一讚佢地將西柚切件雪成冰加入燒酎梳打，咁杯野飲就唔會比冰溝淡啦難得食到咁與別不同既燒肉，真係好值得一試！