影片
港鐵銅鑼灣站 F1 出口, 步行約2分鐘
繼續閱讀
電話號碼
84819684
開飯介紹
日式燒肉餐廳，裝修以日本風格為主。主打羊肉燒烤，肉質鮮嫩，價錢合理。餐廳亦提供各種惹味小食，例如炸蠔。
繼續閱讀
營業時間
星期一至四
12:00 - 22:00
星期五至六
12:00 - 17:30
19:00 - 19:15
20:30 - 21:00
星期日
12:00 - 22:00
公眾假期
12:00 - 22:00
公眾假期前夕
12:00 - 17:30
19:00 - 19:15
20:30 - 21:00
以上資料只供參考, 請與餐廳確認詳情
突然想食燒肉，有search下有咩揀，見到呢間有羊肉食，即刻令我諗起北海道嘅成吉思汗燒肉，所以就即刻去咗食，我哋好早食18:00，一個人都冇我哋包場😌兩個大人三個小朋友，我哋都嗌咗好多款肉，每一碟嘅量唔算多、但係好味，d羊一d都唔so,小朋友都鍾意食，嘢食同環境令我諗起北海道🥺我哋快食，一個鐘就食完，準備埋單嘅時候，店員好親切，送咗泡芙俾我哋食，可能見我哋有小朋友🤩呢個舉動好窩心👍🏻之前都幫我哋加咗兩次水，但係我哋只係坐咗一個鐘，所以服務都好好👍🏻埋單六百幾，呢個價錢真心抵，遲咗寫食評，依家先見到原來佢哋搬咗舖，我應該會再食，試吓新鋪係咪都一樣咁高質先
繼續閱讀
位於銅鑼灣渣甸坊的燒肉酒場、提供成吉思汗烤肉、一直人氣高企。趁放假去銅鑼灣逛逛、順便夜晚去一試這間烤肉店。店內裝潢甚有日本居酒屋風格、平日晚上近乎滿座、鄰座嗞嗞咔咔的燒著烤肉、熱鬧非常。位於銅鑼灣渣甸坊的燒肉酒場、提供成吉思汗烤肉、店內裝潢甚有日本居酒屋風格、幾有風味。前菜先送上大碟椰菜絲沙律、爽脆新鮮。羊卷肉 $78 肥瘦均勻、薄薄一片略略一燒就吃得、肉味好香、但沒有羊羶味、難怪店主推介。柚子雞腿肉 $78 中規中矩、雞肉嫩滑但柚子味沒想像中突出。梅頭肉肉質較厚實、加上少許黑椒烤過、更加香口。炸雞軟骨 $48 炸得香脆可口、完全不油膩、眨眼就被我們全碟吃光！
繼續閱讀
朋友同我好耐冇食成吉思汗燒肉，所以我決定試吓佢。我認為佢燒肉價錢都唔算太貴，一碟肉大概係$7、80。餐廳走日式風格，感覺幾舒適，店員都幾親切。呢到用上蒙古包形狀嘅烤爐，洋蔥無限放題，洋蔥可以充分吸收烤肉肉汁，烤得香噴噴。我哋兩個人都叫咗好多碟，再加多兩杯燒酌。咁我自己特別鍾意呢幾款菜式。椰菜絲沙律 $20雖然細細份，但沙律汁勁多，椰菜絲爽口，椰菜絲加燒肉可以下火，幾好。羊湯烏冬 $68呢個烏冬好正，份量唔算好多，但配埋燒肉一齊食都ok. 烏冬湯底充滿羊肉香味，甜甜哋，羊肉片唔韌，好嫩身，烏冬正常，鍾意食羊嘅朋友一定啱🥰。炸豆池魚 $68送酒一流嘅小食，豆池魚大約有20 條，配沙律醬。炸漿好薄，輕輕包住池魚，池魚食落香脆。因為佢唔算太細條，會有啲肉咬吓，一啖酒一啖魚，正～伊比利亞梅頭 $88呢件梅頭脂肪比較多，厚身，用上簡單黑椒鹽調味。燒香後，肥膏燒到香脆，油脂感好重🤤，但唔會覺得好膩，同牛肉有得比。而且梅頭肉質本身都好冧身😝羊西冷 $118份量多，同樣用上黑椒鹽調味。食落羊味重，烤完肉質唔會鞋颯颯，容易咬。店員仲特別提我哋加佢哋專門嘅成吉思汗調味粉，幾香孜然味，可以更突顯羊肉香味。牛板腱 $78有五大片牛肉，一燒就可以見到肉汁流晒去洋蒽絲到。牛肉肉味濃，薄薄哋都幾好味。檸檬燒酌 $68燒酌一入口比較辣，可以mix啲檸檬汁，會容易啲飲。羊卷肉 $78柚子雞腿肉 $78
繼續閱讀
又到一月一度(準備）出糧嘅日子，夜晚去左銅鑼灣shopping行街，朋友提議食成吉思汗烤肉，我未食過，梗係即刻舉腳贊成啦😝未入到店舖已經聞到陣陣燒肉香味，7點半去到，餐廳已經有八成滿座。牛板腱（$78）好香嘅牛肉味！輕輕一燒已經可以食了。伊比利亞梅頭（$88）梅頭果然係豬嘅頂級，油脂均勻分布，完全唔會覺得韌。而且店員已經細心地切開咗一條條，方便燒同埋食。柚子雞腿肉（$78）雞肉肉質嫩滑而且新鮮，燒完後仍然好滑。羊西冷（$118）羊卷肉（$78）成吉思汗烤肉梗係要食羊肉啦～差唔多係食唔出有羊羶味，而且食落十分juicy， 燒嘅時候仲有好多肉汁彈左出嚟！炸豆池魚 （$68）係餐廳人氣嘅小食！每一條魚都炸到金黃色仲要卜卜脆，好正😝羊湯烏冬（$68)點都係想食啲澱粉質🤣烏冬有好多舊羊肉，都係冇咩羶味，飲啲湯暖暖胃，又可以繼續食燒肉～
繼續閱讀
以前去北海道都試過成吉思汁燒～爐中央部位突出，旁邊伴有洋蔥吸收肉汁～椰菜絲沙律 $20食肉之前食個沙律打底，感覺無咁油膩～羊湯烏冬 $68燒肉前都食個熱食～湯底唔膻、暖和身子～烏冬質感圓潤彈牙～炸蠔 $56好香脆～中心部分保持肉汁好幼滑無炸到過乾～羊卷肉 $78 、羊西冷 $118牛部位我平時燒得多，羊部位就比較少見～卷肉脂肪較多、較薄身入口即溶～西冷比較實肉，咬下口感有嚼頭～兩款都出奇地唔膻～同行怕膻嘅朋友都食到喎～壺漬牛肋條 $98牛肋條好入口，燒一燒外邊，保留原有肉汁，簡直至高享受～柚子雞腿肉 $78雞腿肉就係啖啖肉啦～用中火燒就可以保持肉汁嫩滑～車海老 $78將蝦燒至外殼乾身，食落彈牙而且乾淨無蝦腸～順帶一提洋蔥係任添的～鮮橙燒酌 $68 西柚燒酌 $68食燒肉當然要飲燒酌啦～
繼續閱讀