影片
更多
2016-03-26
5507 瀏覽
紅紅鮮花長長婚紗緩緩出嫁傻傻的你傻傻的我傻傻愛吧為我輕揉裙褂披上頭紗女兒像你嗎？《我結婚了》曲: 鍾嘉欣詞: 王祖藍由尖東那邊想搵個食下午茶嘅地方坐下，就決定到Hotel ICON。風很大走過馬路，就到酒店，問問店員就上到天外天，柔和嘅下午，跟著陽光嘅氣息，上到Hotel ICON頂層餐廳 天外天，享受初春嘅陽光！餐廳中分了兩個部分，一半係酒吧區，有點像會所，為入住客人提供免費餐飲，享用豐富早餐及tea time小食及餐飲，一半係中菜區有點心等，星期六日及公眾假期有下午茶，點心中西合璧，令餐廳與別不同。當日平日大約兩點半嚟到餐廳，未有一位客人，像包場一樣，餐廳位置闊落，可以自由選擇位置，不小心坐到酒吧區那邊，店員也為我們安排到在這邊吃點心，因為大約三點廚房就開始last order，所以我哋點咗兩個點心就慢慢坐下啦！白色枱布上放有淡粉紅色的玫瑰花，夕陽影照下另花朵分外嬌柔。未曾到過酒店中嘅餐廳，然而對酒店內三間餐廳認識都不少，有地下大堂嘅Green及二樓The Market，經常有媒體報道，口碑不錯的。天外天設於Hotel ICON28樓，擁抱維港景色，亦有酒吧係黃昏時供應美酒佳餚，感
傻傻的你傻傻的我傻傻愛吧
為我輕揉裙褂披上頭紗
女兒像你嗎？
《我結婚了》
曲: 鍾嘉欣
詞: 王祖藍
由尖東那邊想搵個食下午茶嘅地方坐下，就決定到Hotel ICON。風很大走過馬路，就到酒店，問問店員就上到天外天，柔和嘅下午，跟著陽光嘅氣息，上到Hotel ICON頂層餐廳 天外天，享受初春嘅陽光！餐廳中分了兩個部分，一半係酒吧區，有點像會所，為入住客人提供免費餐飲，享用豐富早餐及tea time小食及餐飲，一半係中菜區有點心等，星期六日及公眾假期有下午茶，點心中西合璧，令餐廳與別不同。
當日平日大約兩點半嚟到餐廳，未有一位客人，像包場一樣，餐廳位置闊落，可以自由選擇位置，不小心坐到酒吧區那邊，店員也為我們安排到在這邊吃點心，因為大約三點廚房就開始last order，所以我哋點咗兩個點心就慢慢坐下啦！白色枱布上放有淡粉紅色的玫瑰花，夕陽影照下另花朵分外嬌柔。
未曾到過酒店中嘅餐廳，然而對酒店內三間餐廳認識都不少，有地下大堂嘅Green及二樓The Market，經常有媒體報道，口碑不錯的。天外天設於Hotel ICON28樓，擁抱維港景色，亦有酒吧係黃昏時供應美酒佳餚，感受香港瑰麗繁華的一面。
有天，跟姐姐待在家中，她想推介我一首廣東歌，平時好少感興趣，聽佢講咗幾句歌詞後，就嗌住要繼續聽，不停repeat，歌名就係《我結婚了》，由王祖藍填詞，寫給快要結婚的鍾嘉欣，我哋係三月時，突然收到她的結婚消息，新聞報導就睇得多啦，由第一身說法，唱出她的愛情故事！
其中有幾句歌詞突然觸動我，寫了新娘子係婚禮中嘅感覺，輕輕的一個神態十分寫實，能和爸爸還和媽媽陪同出嫁，為我輕揉裙褂披上頭紗，女兒像你嗎？ 相信每一位女孩都期盼這一刻，傻傻的你傻傻的我傻傻愛吧，期待讓事情實現的那個人 嘿嘿。
茶 $25/位我點了白菊花茶，每人一壺可選不同口味，迎合各人需要，內裹嘅茶包份量足夠，第一泡茶香氣淡而清，第二三泡，可看到茶水漸漸變成微黄色，清肝明目。
餐具整齊放好，有黑色嘅背景餐枱，令餐具各擺設更加突出，還有琥珀合桃，豉油醬汁及辣椒油，一切準備就緒，就看看餐牌！由於吃了一個豐富早餐，就點兩個點心，係餐廳休息一下，點心大約$50起、還有小菜多樣選擇，如果想食high tea set，就只有星期六日及公眾假期先有！
羊肉餃$52餃子皮選用飯粉，有點像粉果那種，為半透明狀入口特別順滑柔韌，羊肉用手細切，刀功保留口感，調味方面就用黑胡椒及一點孜然，感覺香口惹味，餡料中加入松子和洋蔥口感豐富特別有質感，一口咬，餡料及外皮可中和兩者嘅調味，特別推介！
蝦餃 $60蝦餃香港可以話係廣東點心嘅主要代表，所以今日雖然只係吃個下午茶，都特別點蝦餃及一款點心來試試。蝦餃皮比較厚，令肉汁被吸收不少，難以品嚐到味道，可能親熱食會比較好！
飲食節目主持人蘇施黃都講過，如果去飲茶冇食蝦餃，就等於冇飲過茶，我都身同感受，吃蝦餃就可以簡單試到點心廚師嘅手勢，傳統蝦餃為半月形、餡料脹卜卜又稱為蜘蛛肚，最好由十二摺，分量小巧一口可以吃下就對，店家嘅蝦餃外表上也達標，建議可增加荀及豬肉為餡料，方可增加肉汁。
網上得知，天外天中菜廳獲《米芝蓮指南香港澳門》評級為「十分舒適餐廳」。酒店邀請多位藝術家設計師，天外天就由Terence Conran 爵士設計，他亦是大型現代家具品牌Habitat創辦人，餐廳而深啡色木地板為主，一邊有開揚維港景色，另一邊特別用斜向鏡面，除咗增加空間感，亦可令背向景色嘅客人，都可享受到同樣感覺。
酒吧位置排列整齊，令人不得不試一杯，有什麼好得過可以在閒日半醉？
Monsoon Muscat $480一個黑暗的橙紅色強化葡萄酒製成葡萄馬斯喀特，季風谷馬斯喀特，強化葡萄酒味美香甜很好的平衡。光滑的口感，有荔枝鬱鬱香味和玫瑰和櫻花使季風谷馬斯喀特，強化葡萄酒的絕佳選擇，配對與剛剛甜度嘅小食，兩者十分配合。
甜度甚高，光照之下，掛杯景象令人垂涎！
整體然而，店家服務甚好，店員都好親切，特別因為一位店員對酒嘅認識好深，解釋內容廣泛，由酒嘅產地到葡萄各製作過程，都容易令食客想像到，得而選擇到適合的味道，而環境舒適寧靜，我哋入咗坐嘅時間比較晏，對於我哋嘅問題或點餐上，反應都唔會唔耐煩，會令人想再到訪，全因為好的服務！
品嚐到一半就手癢癢，店員幫忙我拿國際象棋，裝一下文青〜
另外，酒店中大堂中大型設計，由法國植物學家Patrick Blanc致力於研究熱帶雨林植物，設計岀酒店大堂中嘅垂直花園「直立園藝」。Hotel ICON亦係一間無煙酒店，酒店於所有客房，餐廳及主要公共範圍實行全面禁煙，致力為賓客提供優質環境及體驗。
特別一點，Hotel ICON是一所與别不同的酒店，由香港理工大學酒店及旅遊管理學院擕手合作，斥資13億元設立的教學研究酒店提供一個真實的學習平台，培養新一代酒店及旅遊業管理人才，一個目標：為客人提供一個舒適及難忘的住宿體驗，享受香港迷人的景觀。等不及夜景嘅食客，可以睇住天外天酒吧中嘅大型油畫，畫有太平山俯瞰香港繁華都市嘅夜景，亦令餐廳更新了一份藝術感覺！
平均消費$353/位，2位，2個點心＋1支酒天外天 Above & Beyond
星期一至四及星期日: 11:00–22:30
星期五至六: 11:00–01:00
* 星期六及公眾假期會有tea set, 可以book定先！
尖沙咀科學館道17號唯港薈28樓
張貼
