酒鍋 (天文臺道) (已結業)

之前食過酒鍋銅鑼灣分店嘅晚市火鍋覺得幾正, 最近見到佢地新推出左個午市任食, 當然去試下😋! 一入到去環境幾大, 座位寛闊, 坐得幾舒服! 餐廳提供左幾款唔同價錢嘅午市任食套餐, 小妹同朋友揀左個158蚊嘅Set, 飲品方面除左一d清熱滋潤飲品, 竟然仲有珍珠奶茶同時令滋補燉湯飲😯!🌟㊙製台灣小食拼盤有炸雞皮, 鹵肉, 台式臭豆腐, 鹽酥雞, 關東煮, 糖醋骨同台式柯仔煎, 食完唔夠喉仲可以任限添, 整體味道不錯, 小妹比較中意佢地嘅炸雞皮, 咬落去超酥脆, 佐酒一流! 另外, 糖醋骨酸酸甜甜幾開胃, 鹽酥雞香口又惹味!🌟黃金美人湯底🥘(胡椒豬肚花膠黃金鮮雞湯)胡椒味好香, 湯汁味道濃郁, 花膠吸哂d湯汁! 套餐包左一客日本黑毛豬腩肉🐖, 走地雞脾肉🐔, 精選牛肉片🐂同台灣空運鴨血, 豬腩肉肥瘦適中, 雞脾肉嫩滑結實, 鴨血鮮嫩滑溜, 配料方面有成30幾款, 唔夠飽仲有紅薯粉, 麵🍜, 飯🍚, 龍口粉絲, 烏冬等可以揀, 佢地嘅紅薯粉口感煙韌幾吸湯, 小妹仲叫左個白飯放湯做泡飯, 效果唔錯!食飽正餐當然到甜品時間, 小妹揀左蜜瓜冰🍈🍧, 每啖冰都食到非常濃郁嘅蜜瓜味, 推介!