南小館 (已結業)

係附近睇完戲都已經六點幾，依個時間就決定早些食晚飯，早食早消化，而且又唔使同咁多人迫等位。睇下The One 有咩食，決定就黎依度食中菜。 點左兩條風沙小黃魚 小黃魚好好味，炸到好香脆，每條魚都幾多肉，加埋D 蒜粒好香口。 一份鮮肉小籠包 總共有5件，皮厚度適中，餡料肉量普通，咬落口有肉汁流出，但小籠包唔係熱辣辣感覺，感覺差左小小。 招牌生煎包 依個生煎包就比較失色，皮太厚有D 硬，咬落去食餡料偏少，亦都較為乾身，肉汁已經被入面既面粉吸哂。 蝦仁蛋炒飯 炒得幾乾身，蝦仁數量都夠，算係一個唔錯既炒飯。埋單一人150蚊左右，價格合理。