鴨仔冰室 (已結業)

呢間餐廳有唔少鴨仔，餐廳裝修有少少懷舊風味，而且播放着懷舊歌曲。座位有梳化，都坐得幾舒服。午餐有一啲焗飯、意粉或者主菜。午餐跟沙律或餐湯及飲品。叫咗牛柳大蝦鐵板餐，可跟薯蓉、薯條或飯。牛柳唔會太老，上鐵板時比較生，所以自己可以按自己喜好整熟啲。蝦都好新鮮爽口，亦都揀咗燒汁，味道唔會太重，薯條卜卜脆。另外叫咗羊架，都係鐵板上嘅。有三件羊架。羊味幾香，羊肉又夠林，唔錯。揀咗燒汁。不過燒汁味唔算太突出，薯蓉幾細滑，軟綿綿口感，帶點牛油香。餐廳食物比想像中好食，鐵板餐有懷舊風味。