上海廳1930 (已結業)

黎黃大仙求神問卜後，順度食下飯，見好耐無食過上海野，食下呢間叫上海廳嘅先。裝飾幾靚喎。簡潔餐具同得意嘅餐紙，原來都係上海婆婆啲fd。點左蒜泥白肉，醬汁偏甜，白肉幾爽口，多點蒜更好。小籠包，一客四件。皮薄多汁肉嫩，好食。上海炒年糕，年糕煙韌，個汁咸咸甜甜的，每一片都掛滿汁但又唔會水流流，啱啱好。黃金炒飯，好多咸蛋黃好正呀粒粒飯好香口。最後更係要叫甜品啦，高力香蕉豆沙，餡夠甜，但個蛋白唔甜，總覺得差咁啲，個人口味偏愛甜食。埋單，價錢合理。