漁牧 (已結業)

好少喺香港食辣魚，尤其是近年。反而喺內地食咗好幾次。有比較下，真心覺得大陸正宗、好食好多。朋友想食辣嘢，我想OpenRice㩒，頭10間見到漁牧，好多好評，名又好聽，所以即刻打電話訂。今日星期三，6:30，又早，人唔會話太多，坐坐下都七金成。重點叫辣魚，點咗香辣鱸魚（三選一，另外兩款好怪），只有中辣，調好咗味道，唔可以少辣，但可以加辣。味道幾好。但魚就唔滑，係一啲都唔滑，同喺內地食差好遠，失望。仲要乜配菜都無，每樣都要加錢，內地係最少有大白菜、豆腐。每樣加大概$20，連魚點菜，魚到配菜已放好喺魚底。點咗午餐肉、大白菜、萵苣、紅薯粉，樣樣都好食。再加單安格斯牛肉 - 好有口感，好好味。小食叫咗醉雞 - 鞋、但入味。冬菇 - 幾好食。豆腐 - 辣咖，好好味，口感好。黑糖竹蔗矛根水 - 得凍，好好飲，夠晒黑糖味。三個埋單$960，每人$320。