時間唔早9點有多人唔多，上菜都幾快，我好欣賞佢個前菜“椰菜+榨菜”唔會太咸或者太辣
蠔仔粥（潮州粥）點會唔叫，超多蠔仔，隻隻脹卜卜，好鮮甜，千祈唔好加胡椒粉，蓋過晒鮮味
本來我唔食田雞，可能口味轉左，男友話食唔到比佢食埋，田雞又唔似雞肉，都鮮甜，但唔係好接受到近似青蛙，好多朋友仔都話好多菌，我食個粥底算啦
老乾醬爆豆角牛柳粒，夠晒惹味，好香唔辣，豆夠脆，牛柳諗滑，但唔似比梳打粉醃過
薑蔥鯇魚腩，啖啖肉，唔會有細骨，油泡得好好，外脆內滑，薑同蔥都好好味，平時掉晒比男友食
下次會試佢海鮮雜錦煲368蚊有鮑魚仔/聖子/扇貝……好似好豐富呢！
