影片
更多
2021-09-12
15 瀏覽
唔講都無特別留意到，原來K11入面有間咁清新既泰國餐廳，仲要平日夜晚去都滿座咁犀利😳依間餐廳主打西式泰菜，菜式都幾新穎，好多都係用傳統泰式既味道去做西式菜🙀而餐廳環境幾舒服，中間水吧位置有好多倒掛嘅綠植，加上歐式嘅欄柵就好似一個小庭園咁🏰—《 #脆皮豬頸肉配自家製檸檬蕃茄醬》$78 ⭐⭐⭐可能係fusion菜嘅關係，呢碟豬頸肉同平時嘅泰式豬頸肉做法唔同，每件都係條狀嘅😗外面頗為香脆，不過肉既口感較紮實，所幸佢地既自家製檸檬蕃茄醬加返分，味道集香甜酸辣於一身，非常開胃🥸—《 #香茅豬肉米紙卷》$88 ⭐⭐⭐💥比較少見到將紫蘇放米紙卷外面包，無得透視中間啲野食，要咬開一半先睇清楚😂入面有香茅、豬肉碎、菠蘿，配埋米紙同紫蘇，好清新嘅味道🍃而且米紙唔會好厚，食多一兩舊都唔會滯🤠—《 #冬陰功濃湯野米糙米飯》$158 ⭐⭐💥小編都好鐘意飲冬陰功湯，將佢加糙米飯聽落既新鮮又健康😎睇佢餐牌張相以為係湯飯，侍應都同咗我哋講整出嚟嘅野唔一樣，但上枱嘅時候都係有啲驚訝🥺佢係有冬陰功味嘅乾身糙米飯，將平時冬陰公湯嘅香料撈埋落個飯到，加上糙米本身都硬身，搭配一般🧐不過依個飯有足足三隻大虎蝦，十分慷慨，一啲都唔
唔講都無特別留意到，原來K11入面有間咁清新既泰國餐廳，仲要平日夜晚去都滿座咁犀利😳依間餐廳主打西式泰菜，菜式都幾新穎，好多都係用傳統泰式既味道去做西式菜🙀而餐廳環境幾舒服，中間水吧位置有好多倒掛嘅綠植，加上歐式嘅欄柵就好似一個小庭園咁🏰
—
《 #脆皮豬頸肉配自家製檸檬蕃茄醬》$78 ⭐⭐⭐
可能係fusion菜嘅關係，呢碟豬頸肉同平時嘅泰式豬頸肉做法唔同，每件都係條狀嘅😗外面頗為香脆，不過肉既口感較紮實，所幸佢地既自家製檸檬蕃茄醬加返分，味道集香甜酸辣於一身，非常開胃🥸
—
《 #香茅豬肉米紙卷》$88 ⭐⭐⭐💥
比較少見到將紫蘇放米紙卷外面包，無得透視中間啲野食，要咬開一半先睇清楚😂入面有香茅、豬肉碎、菠蘿，配埋米紙同紫蘇，好清新嘅味道🍃而且米紙唔會好厚，食多一兩舊都唔會滯🤠
—
《 #冬陰功濃湯野米糙米飯》$158 ⭐⭐💥
小編都好鐘意飲冬陰功湯，將佢加糙米飯聽落既新鮮又健康😎睇佢餐牌張相以為係湯飯，侍應都同咗我哋講整出嚟嘅野唔一樣，但上枱嘅時候都係有啲驚訝🥺佢係有冬陰功味嘅乾身糙米飯，將平時冬陰公湯嘅香料撈埋落個飯到，加上糙米本身都硬身，搭配一般🧐不過依個飯有足足三隻大虎蝦，十分慷慨，一啲都唔梅，殻肉容易分離，食得出大蝦嘅質素🥳
—
《 #烤原個椰菜花配青咖喱醬》$78⭐⭐⭐
原個洋蔥就聽得多，原個椰菜花就真係第一次試😹餐廳將原個椰菜花香烤，再淋上海量嘅青咖哩🌊不過始終椰菜花太厚實，中間個芯未熟到軟腍，唔夠索汁，可能配番洋蔥仲入味 小編就相當中意佢青咖喱既味道，有少少辣，夠哂甜又富椰香味，用黎餸白飯或蒜蓉包就正
—
《 #椰青滑冰》$68 ⭐⭐⭐⭐️
飲品可以話係餐廳嘅重頭戲，原本點咗玩味十足嘅泰式奶茶，入面有枝雪條再自己淋啲茶落去，好特別嘅飲法😂可惜入口就發現個茶底同平時嘅泰式奶茶差好遠，味道非常苦澀，雖然雪條好味，都係要換過第二個飲品😫
換咗依個椰青滑冰就正常得多，平時一個椰青都唔係好夠飲，打做冰之後就襟飲得多😂夠冰嘅關係飲一兩淡已經好解渴，而且係夠濃嘅椰青味，無偷工減料㗎🤪
張貼
