阿閒泰 (K11購物藝術館)

營業中

休息中

.‼️❤️ 記得CLICK我PROFILE關注我呀 ❤️‼️.🔥 好好生意嘅泰國餐廳 @ 🌟 阿閒泰 🌟.💁‍♀️ 圖片展示美食為：手工原隻炸蝦多士 HKD 108泰館手工炸蝦棒 HKD 58濃汁泰黃咖喱軟殼蟹 HKD 228印度薄餅 HKD 28冬蔭功濃汁虎蝦意大利麵 HKD 138.👽 路過見到佢裝修咗，有個大月亮好吸睛，勾引咗入去打卡。.🦐 試咗招牌菜「手工原隻炸蝦多士」，好大件，好厚身！多士炸得金黃香脆，蝦肉彈牙，蝦膠幾有爽脆感，蘸少少甜辣醬平衡油膩，份量比想像中多。.🍤 小食揀咗「泰館手工炸蝦棒」，估唔到又係厚身嘅。外層酥脆內裡蝦肉紮實，點泰式酸辣醬更開胃，如果飲酒用來做送酒小食都唔錯。.🦀 主菜「濃汁泰黃咖喱軟殼蟹」份量足，黃咖喱椰香濃郁帶微甜，軟殼蟹炸到脆身，叫多份「印度薄餅」剛好可以吸盡咖喱汁一齊食。.🍝 主食揀左「冬蔭功濃汁虎蝦意大利麵」，虎蝦爽彈開邊，有好多魷魚，意粉掛滿酸辣冬蔭功汁，FUSION風味平衡。.😌 裝修咗之後坐得比以前更加舒服，晚市繁忙時間基本上坐滿，如果唔想排隊記得訂位，再夜啲入座有折扣優惠，有機會試下。.📍 尖沙咀河內道18號K11購物藝術館2樓219號舖.

位於尖沙咀K11 Art mall的泰國餐廳「阿閒泰」非常人氣，晚市基本上晚晚爆場，望望佢哋嘅餐牌，飲品和食物種類選擇好多和幾有創意，好多泰式fusion菜，價錢非常抵食，同區嚟講性價比超高，而且晚上8:30後入座仲有88折👍👍▪️沙律醬烤粟米條 $ 58粟米非常清甜，烤至外層焦香，配上特色沙律醬汁，味道甜香，大人小朋友都咁啱食▪️脆炸豆腐配泰式魚露 $ 58香口酥脆內裏軟滑，味道帶點鹹香，配上酸辣的泰式魚露，夠晒惹味▪️棕櫚糖炭燒三黃雞 $ 188必食推介👍即叫即燒，三黃雞燒至雞皮香脆帶點棕櫚糖的焦甜香，肉質夠晒入味，帶有三黃雞獨有的油脂，超級好食，仲有焦糖菠蘿夠晒Juicy，再配上香脆腰果、合桃和椰糖，夠晒豐盛▪️紅咖喱慢煮牛肋條$ 188咖喱香辣惹味甚有泰式風味，配上炆得軟腍入味嘅牛肋條，咖喱汁再送上白飯，好食得完全停唔到口▪️橙香特濃咖啡 $ 48人氣大熱飲品，橙汁溝咖啡，酸甜與咖啡苦味的獨特風味，酸甜苦交織的口感，非常唔錯▪️泰式鴛鴦冰 $ 46泰式奶茶溝咖啡，即係泰式鴛鴦，而且濃啖自己調教，好好飲非常喜歡

位於尖沙咀ᴋ11的泰國菜餐廳。話雖是主打正宗泰國菜，但其實餐廳更提供不少融合了泰西創意元素的菜式，例如，有漢堡、ᴛɪʀᴀᴍɪꜱᴜ等等，對於這些這些令人耳目一新的創新菜式出現在泰式餐廳裡，無疑也是吸引客人的元素之一。.踏入炎熱的夏季果然是品嚐泰國菜的最佳時候，不知不覺就在這個7月狂吃猛吃，盡情享受夏日的熱情味道。而我這個日常出尖沙咀的九龍人，這次便決定選擇這間地點超級方便、空間又寬敞的餐廳與朋友聚會呢。⋆_____ᴛᴏᴛᴀʟ ᴏʀᴅᴇʀ______⋆✿ 炭燒魷魚鬚 $58炭燒味道突出，魷魚鬚帶有焦香和嚼勁，軟嫩入味，很適合當作小食配酒。.✿ 紅咖喱慢煮牛肋條 $188 ✿ 印度薄餅 $28 牛肋條醬汁濃郁，紅咖喱辣勁十足。惟牛肋條肉質偏硬，入口較韌，嚼起來較費勁；而且辣度帶勁，對不嗜辣的食客，例如ᴍᴇ來說便可能會吃得較吃力；幸而可以搭配咖喱的最佳拍檔印度薄餅一併吃，口感便更平衡呢。  .✿ 冬蔭功濃汁虎蝦意大利麵 $138 意大利麵吸收冬蔭功醬汁的酸辣鮮香後，配上彈牙爽嫩的虎蝦，整體層次豐富又有特色。.✿ 香辣炒通菜 $88 鑊氣十足，通菜翠綠爽脆，微辣蒜香非常好送飯。.✿ ᴅʀɪɴᴋꜱ

突然間好想食泰國菜，好想食芒果糯米飯，係尖沙咀行完街就即刻搵間泰國菜滿足下自己係 K11 購物藝術館上便有間走西式田園風嘅泰西fusion菜就岩曬我店內以木系傢俱為主，佈置舒適典雅，設有大間梳化卡位，用餐舒適高高嘅樓底，掛上月球燈飾，非常有特式，啱曬鐘意打卡嘅朋友餐廳主打泰西fusion菜，提供多款泰式小食、串燒、主食及甜品，夠曬豐富食物方面: 炭烤牛肉配泰式青醬 : 牛肉炭烤得肉質嫩滑，內裡保持粉嫩，再蘸上泰式青醬，充滿泰式風味炭燒魷魚鬚 : 魷魚鬚用鐵串串住，炭燒到焦香，口感煙韌味，蘸少少青咖哩汁就更好味烤原個椰菜花配青咖哩醬 : 第一次試烤原個椰菜花，椰菜花烤至表層微焦，味道清甜，配上青咖喱醬及腰果碎，香口又健康，配埋印度薄餅食更加滋味唐人街炸肉棗 : 肉棗外皮炸得香脆，充滿口感，再蘸上甜酸汁就夠曬惹味印度薄餅 : 食青咖哩唔想食飯就最好配搭印度薄餅，口感軟淋，吸收醬一流椰香芒果黑糯米 : 賣相精緻，用泰國黑糯米及白糯米，糯米鬆軟香口，配上芒果片、糖漿脆脆、合桃，腰果，花生碎等配料，再圍滿椰汁。好味又不滯膩

到阿閒泰品嚐地道的泰國菜，令人心神放鬆。佈置舒適典雅，高闊樓底，掛上月球燈飾，木系傢俱為主，坐在舒適的圓型卡位，享受惹味大餐。泰式小食款式眾多，與朋友互相Share，度過輕鬆的Happy Friday。泰館手工炸蝦棒（2件）58炸至金香酥脆，口感飽滿，內裡釀滿彈牙的蝦肉，帶有淡淡的香料味，沾上泰式甜酸醬，惹味吸引。阿閒泰滷無骨豬手 118豬手外皮充滿彈性，滷水汁十分入味，肉質軟嫩無骨，帶濃郁的甜香，配上香菜提味及流心蛋，令人意猶未盡。虎蝦炒金邊粉 138蝦肉彈牙，啖啖鮮香，金邊粉滑順，集合了鹹香的魚露，及酸甜的茄膏，質感煙韌，炒至乾爽而不油膩，夾合豆腐乾絲和銀芽，口感豐富，充滿泰式風情。香辣炒通菜 88通菜嫰綠、清脆，配上蒜香及辣椒，微微香辣的調味，令人食欲大開，惹味吸引。椰香芒果黑糯米 78造型吸引，在新鮮芒果上，倒上香稠的椰奶，黑糯米口感Q彈。一口多汁香甜的芒果肉，配上椰漿飯，口感柔滑，讓人回味無窮。斑蘭椰香鮮奶（凍）44椰奶口感醇厚，融合斑蘭的獨特香氣，奶香滑順，💋令人甜絲絲。

K11阿閒泰一直到頗受歡迎，餐廳以泰國空運直送私房製醬汁及材料，製作泰菜及泰式西餐菜餚。最近餐廳更新餐牌，有不少新菜式，等yo也去嚐嚐~ 阿閒泰滷無骨豬手 $118去骨豬手很軟腍 豬皮如果凍般 有膠質黏稠口感 而且滷的相當入味！配搭酸菜 流心蛋 增添菜品層次感。蟹肉炒飯 $158阿閒飯的炒飯都很有鑊氣！這炒飯粒粒分明 油潤香口 配料豐富 滿滿的蟹肉令人啖啖都嚐到鮮味 很滿足！紅咖喱慢煮牛肋條 $188這紅咖哩辣勁十足🔥 愛辣之人必食！牛肋條慢煮入味 香嫩又不失嚼勁 喜歡嚼感的朋友要嚐嚐~ 椰香芒果黑糯米 $78香滑椰汁包圍著黑糯米 上面擺放芒果與糖絲 恍如一件藝術品。整體味道不太甜 黑糯米高纖 比傳統糯米更健康。

做完Facial行一陣K11，好耐冇食泰菜，阿閒泰簡約設計，視覺上光線充足，令人覺得舒服。虎蝦炒金邊粉虎蝦已拆殼真係好貼心，唔使整污糟隻手，蝦肉好爽，青口大粒，將金邊粉加入花生碎、辣椒粉拌勻，金邊粉升華更感野味，亦帶點點辣，愛辣嘅我覺得好食。脆炸豆腐配 泰式魚露將脆脆豆腐浸一浸泰式魚露，味道酸酸辣辣，令我食不停口。蟹肉芒果牛油果他他呢個組合有益又好味，蟹肉嘅鮮加芒果嘅香，配埋有益嘅牛油果，除咗視覺效果靚靚之外，味道又有層次感。泰式生蝦刺身生蝦肉爽，沾埋酸辣汁更加正，開胃酸爽又唔太辣。和牛.濃汁牛丸船麵飲左湯先，飲落牛味的確濃郁，和牛嫩滑唔柴、牛丸彈牙冇臊味，加上通菜芽菜，非常爽口。西柚冰涼特調微微西柚味，飲落清爽亦唔甜。原味泰茶 配自家奶茶雪條好有儀式感，將咖啡、奶倒入，飲落奶茶味比較淡，如果想濃厚d，就將奶茶雪條攪拌後，溶左之後甜度就啱啱好。

每次經過尖咀K11都見呢間泰西fusion餐廳人頭湧湧 裝修環境都唔錯🌕濃汁泰黃咖喱軟殼蟹🦀 $228先試佢呢個招牌咖喱軟殼蟹 份量十足 大約有三隻軟殼蟹 蟹膏蟹肉比例都幾多 外脆內軟juicy好滿足 黃咖哩濃郁惹味 汁量唔會太多浸淋曬軟殼蟹另外加配香草蒜蓉焗包條($58) 焗得好鬆脆 點咖哩汁食一流✨️泰式香辣醉貓炒豬肉手工卷粉 $138幾有鑊氣 手工卷粉挺身煙韌 有別於平時河粉既口感 感覺新穎 豬肉軟熟甘香 薄切半肥瘦 吸收曬辣椒羅勒等香料香 甜甜辣辣好惹味✨️炭燒魷魚鬚 $58有多款泰式串燒小食 魷魚以鐵枝串起燒製 彈牙唔韌 點埋青草醬幾有風味 略嫌面頭黑椒碎偏多✨️芒果冰涼特飲 $53比圖片預期中大杯 味道甜中帶微酸 仲飲到少少芒果蓉 清涼開胃

天氣時雨時晴，行完K11，商場內餐廳食飯就最好。我都喜歡食泰菜，酸酸辣辣，餐廳都坐得舒服。脆炸軟殼蟹米紙卷配牛油果醬我哋叫了細份，有3件，軟殼蟹炸至金黃酥脆，肉身大隻厚肉，米紙煙韌，牛油果醬帶點酸味，開胃的小菜泰鹹蛋黃金單骨雞翼雞翼切成單骨，方便食用，外層是咸香的咸蛋黃，仲食到有起砂的質感，份量都唔少，仲要好香口。一口咬落去都濺出雞油，惹味呀紅咖哩慢煮牛肋條原來紅咖哩都比較香辣，都有不少的配料，有香茅，炸蒜，檸檬葉， 藏紅花，所以咖哩辣得有層次。牛肋條牛味較重，用了慢煮的方式，食起來香軟。印度薄餅整塊上的，煎至金黃酥脆，切開沾上咖哩汁都唔錯。阿閒太氮氣冷泡檸檬茶湯色比較濃，上層是豐富的泡沫，檸檬茶味濃郁芳香。班蘭椰香鮮奶上層是鮮奶，下層是班蘭汁，漸層都唔錯。飲起來很重椰子香氣。椰香芒果黑糯米糯米飯煙韌有口感，芒果香甜，造型帶點貴氣，焦糖拉花點綴

阿閒泰久唔久嚟開尖沙咀呢邊都會嚟k11呢間泰菜食午餐下午茶 平時都係食船麵或者炒粉麵 今次轉下口味試下漢堡😉🍔泰冬蔭豬豬漢堡•薯條 $66🍵 配 泰式季節茶漢堡用嘅麵包有啲似港式豬扒包嗰隻包 入面夾咗豬肉片 仲係好腍 唔係整好曬實的的嗰隻😌 肉片就咁食帶燒烤醬汁味偏甜 冬陰功味主要嚟自醬汁 令到個麵包特別有風味 仲有夾咗沙律菜紫洋蔥絲🥬 薯條係一般粗幼 新鮮炸嘅感覺 入面軟熟🍟 最驚喜係配嘅係黑松露蛋黃醬 整體味道滿意😋泰式季節茶帶甜味 味道有少少似雜果賓治 我平時都唔鍾意飲甜嘅純茶 就麻麻地啱口味🤫⛺️阿閒泰 @ahan.thai📍河內道18號K11購物藝術館2樓219號舖

呢間喺K11嘅西泰fusion菜阿閒泰好受歡迎每次經過都好多人排隊 建議一定要book左枱先價錢喺呢個地段嚟講真係好親民 而且份量又夠大炭燒泰北豬頸肉條配青芒沙律豬頸肉夠厚切 食落有陣陣炭燒香味泰國青芒酸甜爽脆 令成個dish感覺幾清爽炭燒魷魚鬚炭燒完依然係好嫩好彈牙 加埋泰式海鮮醬一流沙律醬烤粟米條粟米好甜 但沙律醬帶少少辣比較重口味泰鹹蛋黃金單骨雞翼裹滿鹹蛋黃真係好香呀 雞翼又炸得夠香脆 必食冬蔭功濃汁虎蝦意大利麵除左虎蝦仲有好多海鮮 意粉煮得幾彈牙 但怕辣人士要注意 冬蔭功味越食越出 都幾辣㗎飲品造型好有特式 好啱打卡呀我會推介阿閒泰奶綠 泰式奶茶用綠茶底比較清香呢度仲有好多cocktails選擇 HH仲有買一送一添

1️⃣炭燒叉燒煎蛋醬油撈麵整體食完感覺好甜同埋溜。撈麵偏油，食到最尾見到個底好多油。叉燒正常幾好食，但炭燒味感覺無乜。2️⃣鮮魚尖.豬肉.肉碎冬蔭醬撈鮮幼粉最不推薦！整體好辣，一上菜成兜紅色辣汁。幼粉要咬好耐，食完好辣，完全冇冬陰功味，得甜辣味，好差！！！3️⃣阿閒泰奶綠正常。有泰奶味，綠茶味唔會好濃。4️⃣芒果冰涼特飲（不含酒精）好普通。根本就係芒果梳打，加啲薄荷葉同埋青檸咁。😂5️⃣泰式街頭椰子雪糕個店員話呢個雪糕要等15分鐘，但因為趕住走，所以叫職員唔需要幫忙焗上邊嘅餅。點知最後佢都上埋俾我。甜品整體嚟講係可以想像到嘅椰汁味，沒有果肉。甜品加入咗一啲杏仁粒同埋粟米。其實呢個甜品其實好普通，同啲椰汁西米糕差唔多味。😂整體上普通一般，趕時間嘅客人唔好嚟，因為上菜速度比較慢，不論主食同埋甜品都慢。隔離枱客人吹咗兩次單未有食物。而我原本諗住食完嘢就去行街，點知真係食咗一粒鐘響間餐廳度…

📍阿閒泰 (尖沙咀)尖沙咀河內道18號K11購物藝術館2樓219號舖平日夜晚去食阿閒泰都爆場！第一次食覺得嘢食真係唔錯！地點都方便就腳！💛蟹肉炒飯 $158炒飯炒得粒粒分明！ 蟹肉亦都夠多！夠鑊氣！💛泰式醉貓炒黑毛豬肉手工卷粉 $138手工卷粉夠煙靭！💛炭燒牛肉串燒 $56牛肉串燒夠入味！💛泰館手工炸蝦棒（2件）$58大大嚿蝦餅！炸得剛剛好！蝦餅亦都夠彈牙💛沙律醬烤粟米條 $58帶點微辣的沙律醬，非常有泰國風味！原來粟米配沙律醬呢個配搭都唔錯！💛泰式泡沫奶茶 $46加咗椰奶泡沫味道，令到成杯泰奶更加香！呢一間泰國fusion餐廳!值得再度回訪!

下午茶時間三點去到，舖頭得三份一滿，15:07分落單嗌個普通牛油果多士，要等到15:31先上。一直同侍應追都淨係話廚房整緊，以為係咩大菜式？食物味道方面，個多士完全冇烘過，好腍，而且多士上面嘅牛油果，只係一啲綠色斑斕醬為主，牛油果極少，又淋又難食，完全冇牛油果味，得啲斑斕醬嘅味，成個口感就係好腍，仲要普通一個多士都等咁耐😓 無下次

咁岩有活動經過K11 Art Mall，就試下呢度的人氣泰菜 Ahan Thai，估唔到6點半已經排緊隊，係呢個時候都算係難得。店舖都算大，簡約裝潢，環境都算舒適，今次就叫左幾道特色菜式。呢道真係阿閒泰其中一道Signature Dish，一上枱已經聞到炭燒的香味，雞皮夠薄超脆，好似食緊薯片咁。而用三黃雞的好處係脂肪豐滿，一咬開就滲出肉汁同油份，配上青檸同泰式酸辣汁，增加東南亞風味，同時亦都可以解膩。配菜都有誠意，包括有甜到漏的燒菠蘿同埋焦糖腰果、合桃。原個椰菜花切片，望落真係好似食緊一塊扒咁。椰菜花烤得焦香，但同時保持Juicy，配上青咖喱加添椰奶同埋辛辣的味道，同時加上合桃同腰果增加層次及口感。用冬蔭功醬汁黎配上意大利麵都幾有泰式風味，相對辣味重少少。意大利麵煮得岩岩好，唔會過淋。配料除左有虎蝦外，仲有青口、魷魚等，全部都爽口彈牙，係幾特別的Fusion菜式。用氮氣黎整檸檬茶真係第一次飲，一開始以為會係有氣檸檬茶，但其實無乜氣，加左氮氣反而令冷泡檸檬茶增加絲滑的口感。檸檬同茶底的味道整得幾Balance，平衡控制到甜度、酸度同埋檸檬同茶的澀味。