Cull ’N Pistol Hong Kong (已結業)

今日放假，又係同小毛孩出動嘅日子！約咗朋友食lunch，第一時間就諗到鯉景灣，西灣河海旁～蘇豪東一帶。鐘意呢度旺中帶靜，有不同特色的餐廳可供選擇。最重要係有唔少食肆都Dog Friendly 🐶👍🏻❤️。今日朋友book咗Cull ’N Pistol，餐廳見有小朋友即刻好好咁拎D顏色筆同畫紙出嚟俾小朋友玩。Brunch Menu上都有好多選擇，朋友叫了蟹肉意粉Crab Spaghetti + Crispy Calamari & Prawn Basket，我就叫咗香脆魚柳芝士卷餅 Fried Gish Breakfast Burrito，小朋友當然唔少得嘅芝士通粉Mac and Cheese 啦!!意粉忌廉汁非常濃郁，趁熱吃，超好吃的！卷餅賣相吸引，材料超豐富，魚柳炸得香脆，配上特色的醬汁和芝士，一啖咬落去感覺好幸福啊。金黃香酥的炸蝦＋魷魚，真的好吃到難以抗拒，份量十足！小朋友嘅Mac & Cheese，意粉和芝士係永遠嘅經典組合，這是小朋友們的喜愛食物！同埸加映，朋友悉心安排生日驚喜，朱古力蛋糕好濃醇，正！