影片
更多
2013-05-06
17 瀏覽
真係睇住【小曼谷】發達，由以前細細間舖仔賣串燒，當年大大串、夠juicy！後嚟又開咗間大舖，雖然零裝修，但串燒沙冰一樣咁和味，仲有少少泰國街頭舖仔味道！到早幾個月，再喺街頭開多間新舖，裝修靚咗，包裝正咗，但感覺，就差咗！前兩日，某同事身痕想食生蝦刺身，就話去九龍城食泰菜，本來去【同心】，見【小曼谷】裝修得咁骨子，冇理由唔走入去試試‧4條友，先叫幾杯沙冰，一樣咁好味，唔一樣嘅係個杯嘅Size屎，使唔使細咁多！再點串燒醒醒胃，一嚟到……又短咗嘅，肉又薄咗，咁就梗係冇咁juicy啦，又使唔使咁小家呀！跟住叫個泰式炒蜆,，嘩！好大碟呀！隻碟！味道算ok，辣少少仲好，不過蜆肉就韌咗斗零！生蝦刺身，正路！都係鍾意以前食唔記得邊間，蝦肉就生，蝦頭就炸過，成隻食晒，一d都冇嘥！豬頸肉，OK！不過乾咗dd！冬陰公，唔夠味呀…陰公！仲有個授式炸筍穀，以前食開就係炸到外脆但肉鮮嫩，佢就外不脆肉不嫩！咁即係點先？樣樣都算OK，但樣樣都爭少少！心諗都可以再……點知個心都未諗埋個”去”字，突然間條侍應攞張單嚟，叫我地埋單，吓！我地冇叫wor！同事L攞住個椰青話，未飲晒wor！乜呢度有限時嘅咩？條侍應口震震心虛虛咁
由以前細細間舖仔賣串燒，
當年大大串、夠juicy！
後嚟又開咗間大舖，
雖然零裝修，
但串燒沙冰一樣咁和味，
仲有少少泰國街頭舖仔味道！
到早幾個月，
再喺街頭開多間新舖，
裝修靚咗，包裝正咗，
但感覺，就差咗！
前兩日，
某同事身痕想食生蝦刺身，
就話去九龍城食泰菜，
本來去【同心】，
見【小曼谷】裝修得咁骨子，
冇理由唔走入去試試‧
4條友，
先叫幾杯沙冰，
一樣咁好味，
唔一樣嘅係個杯嘅Size屎，
使唔使細咁多！
再點串燒醒醒胃，
一嚟到……又短咗嘅，
肉又薄咗，咁就梗係冇咁juicy啦，
又使唔使咁小家呀！
跟住叫個泰式炒蜆,，
嘩！好大碟呀！
隻碟！
味道算ok，辣少少仲好，
不過蜆肉就韌咗斗零！
生蝦刺身，正路！
都係鍾意以前食唔記得邊間，
蝦肉就生，蝦頭就炸過，
成隻食晒，一d都冇嘥！
豬頸肉，OK！
不過乾咗dd！
冬陰公，唔夠味呀…陰公！
仲有個授式炸筍穀，
以前食開就係炸到外脆但肉鮮嫩，
佢就外不脆肉不嫩！
咁即係點先？
樣樣都算OK，
但樣樣都爭少少！
心諗都可以再……
點知
個心都未諗埋個”去”字，
突然間條侍應攞張單嚟，
叫我地埋單，
吓！
我地冇叫wor！
同事L攞住個椰青話，
未飲晒wor！
乜呢度有限時嘅咩？
條侍應口震震心虛虛咁話…
冇！
不…不過外面有人等位，
所以…叫我地埋單！
好嘢！
呢間小曼谷，
真係睇住佢大睇住佢變壞！
張貼
