千盛 (已結業)

去何文田探完親戚，又到晚飯時間，佢介紹話呢間日式小店幾好食，睇睇餐牌有和牛食，價錢都幾抵，於是入去試吓。千盛藤彩牛豐盛丼，店員話用和牛整同配埋黑蒜汁，食落d牛非常淋好juicy，d牛煎到焦焦香香，個汁浸晒落d飯果度，好好味。麵豉湯，都幾濃郁，入面仲有海帶同蘿白。茶碗蒸，d蛋非常滑，味道啱啱好，唔太咸，食到蛋香味，上面仲有櫻花蝦米，唔錯。千盛A5藤彩牛壽喜燒，店員介紹話個壽喜燒個汁係特制，所以唔會太咸，唔會蓋過d牛味，店員話係熊本縣A5和牛，食落好好食，非常嫩滑，有入口即溶嘅感覺，好重牛味，壽喜燒銅有大量菜同烏東，吸收晒d湯汁，好好味。