影片
更多
2016-12-10
1688 瀏覽
今日由於要去深水埗買電子零件，所以就順便去哩間食Burger既小店試吓。小店位於馬路旁，入面只有幾個位，我地2人去到果陣都有位坐，門口都有幾個人等緊外賣。牆上menu都有頗多選擇，每個漢堡大約60至過百都有，加18元變套餐。我地就揀咗和牛漢堡同魚夫芝堡喇！落咗order記得要有耐性，因為店員係即叫即整，而我地落order果陣咁啱前面有2個都落order，所以都要排一排隊，飲住可樂先啦！大約15分鐘度就有得食啦！首先係和牛漢堡，一端出黎熱辣辣，薯格都係岩岩炸好！個和牛好厚，食落都好香，加上少少sauce味道都已經好夠。不過唯獨係中間條狀既菜有啲腥，普通生菜都已經good enough! 薯格就當然唔洗講，脆卜卜，絕對唔會係連鎖店炸完擺咗好耐既感覺。另一款魚夫芝堡。睇個名都已經知係有魚柳同芝士啦！本身睇個魚柳覺得普通，但食落真係唔同！表面當然係炸到脆卜卜，入面既魚肉係滑㗎，絕對唔係用下欄貨！總結而言，睇得出小店係用心經營，食材同用料方面都唔差，即叫即整能保持食物新鮮出爐，所以鋪頭只有幾個位都係明智，太多位反而會做唔切而令客人乾等。不過建議收錢時還是先同客人講聲預計等候時間係幾耐，等客人有個
小店位於馬路旁，入面只有幾個位，我地2人去到果陣都有位坐，門口都有幾個人等緊外賣。牆上menu都有頗多選擇，每個漢堡大約60至過百都有，加18元變套餐。我地就揀咗和牛漢堡同魚夫芝堡喇！落咗order記得要有耐性，因為店員係即叫即整，而我地落order果陣咁啱前面有2個都落order，所以都要排一排隊，飲住可樂先啦！
大約15分鐘度就有得食啦！首先係和牛漢堡，一端出黎熱辣辣，薯格都係岩岩炸好！
和牛漢堡
71 瀏覽
0 讚好
0 留言
另一款魚夫芝堡。睇個名都已經知係有魚柳同芝士啦！
魚夫芝堡
66 瀏覽
0 讚好
0 留言
總結而言，睇得出小店係用心經營，食材同用料方面都唔差，即叫即整能保持食物新鮮出爐，所以鋪頭只有幾個位都係明智，太多位反而會做唔切而令客人乾等。不過建議收錢時還是先同客人講聲預計等候時間係幾耐，等客人有個心理準備吧！
張貼
