Le Sucre (已結業)

Mikki食完晚飯，個肚突然好想食甜品，因為新蒲崗冇新式甜品店，諗住行去麥當勞買朱古力新地，行緊過去先發現原來Mikki對住越秀廣場有間餐廳有甜品食，雖然價錢有點貴，但人總要有第一次，於是入座一試。 可能已經八半，店內冇人，我地包場，望左餐牌，餐廳老闆推介心太軟&梳乎厘，但個人鐘情Apple Crumble($78)，即刻order。 餐廳餐牌&實物，圖文相符！蘋果crumble個樣好吸睛，有🌺插雪榚上，crumble上鋪上曲奇碎，碟周邊都有好多點綴，入人眼廉！不停港女自拍下😝食完個時，同老闆寒暄幾句，先知餐廳原來已經開左半年，行過黎幾次我都冇發現！ 有機會去試下餐廳晚餐，見佢地餐牌burger都好吸引！價錢在新蒲崗雖然算中高檔，但比起鬧市熱點餐廳，CP值其實好高！